Avatangiisinut naalakkersuisoqarfik: Kinamiut itigartinneqarnerinut akuutinneqanngilagut
Nittartakkami tusagassiorfik Defencewatch naapertorlugu, kinamiut ingerlatseqatigiiffiat Kangilinnguit pisiarinissaannut soqutiginnilluni saqqummiussisimavoq, tamannalu pissutigalugu Sakkutuut Kangilinnguaneeqqilernissaannut ammaanissaq aalajangiunneqartoq.
Tusarfiit danskit naalakkersuisunut qanittumik inissisimasut naapertorlugit, ministeriunerup Lars Løkke Rasmussenip partiit Danmarkimi illersornissaq pillugu isumaqatigiissuteqartut aasaanerani sulinngiffeqarnissaq sioqqullugu peqquai Kangilinnguit Illersornissamut qullersaqarfimmit pigiinnarneqarnissaa qulakkeeqqullugu.
AAMMA ATUARUK Kinamiut piserusuttut pillugit ataatsimiititaliaq ilisimatinneqarsimanngitsoq
- Kinamiut ingerlatseqatigiiffiata saaffiginnissutaa Kangilinnguit sakkutuunut ammaateqqinneqarnissaannut tunngavilersuuteqarnermi aallavippiaasimappat, Illersornissamut Ministereqarfiup ilisimatitsissutigisaatut Illersornissamut Ministereqarfiup siunissami issittumi suliassaanik misissueqqissaarnera pinnani, tamanna isumakulunnarpoq. Taamaattoqarsimassappat pissutsit ilungersunarput, Suka K. Frederiksen oqarpoq nangilluinilu:
AAMMA ATUARUK Kangilinnguit kinamiut pisiaringajakkaat
- Nunarput pineqartillugu pingaaruteqarpoq paasissutissat tamakkiisut nunatsinnut saqqummiunneqartarnissaat taamaattumik maanna pisut paasissutissallu kingulliit pillugit atorfilittakka piumaffigaakka qulaajaanissamik siunertaqarlunga saaffiginneqqullugit, Suka K. Frederiksen taama oqarpoq.
Naalakkersuisoqarfiup Illersornissamut Ministereqarfimmit Kangilinnguit ammaqqinneqarnissaanut siunissamut pilersaarutit pillugit annertunerusumik tusagaqarnissani utaqqivaa.
