Kinamiut imermik imalinnik igeriuttakkanik igeriussisut Filipinerinillu aaqqiagiinngissuteqarnertik ajornerulersissinnaagaat
Kina Filippinerillu Kinap kujammut imartaanik killeqarfilerngusaallutik maanna aaqqiagiinngilersut, nutaarsiassanik siammarteriviup AFP-p allaaseraa.
Kinamiut Kinap sineriaanik paarsisuusut arfininngormat Filipinerit umiarsuaannut imartamiittunut imermik imalinnik sakkortuumik igeriuttakkanik Filipiinerit umiarsuaasa tungaannut igeriussipput, aqqutissaannillu assersorlugit.
Tusarfiit oqaluttuarput, Filipiinerit umiarsuaat nerisassanik, imermik orsussamillu usilluitk Filipiinerinut sakkutuunut Filipinerit imartami nakkutilliisuinukaassigaluartut.
Kinamiut Kinap kujammut imartangaatsiarsuanik piginnittuunerarlutik qangali oqartaannarput 2016-milu tusarlerneqarput imartamik killeqarfimmik piginnittuunerartarnerat inatsisitigut tunngavissaqanngitsoq, taamatulli tusarlerneqartarnertik tusaanngitsuusaarluinnarsimavaat.
Pisoq alianartoq tamanna pillugu Filipinerit naalakkersuisuisa Kinamiut oqartussaasuinut oqaloqatigiinnissamik saaffiginnissutigisimagaat tusarfiit oqaluttuarput.
Filipiinerilli naapertorlugit Kinamiut sineriammik nakkutilliisuinit Filipinerit imartamut tassunga pisullu mattunneqartaannarput peeqquneqarlutilluunniít.
Oqaatigineqarporlu nunat taakku marluk Kina Filipinerillu Kinap kujammut imartaaniittoq killeqarfik pillugu ukiorpassuarnni isumaqatigiinngittuartuusut.
