Kinami ukiut 2500-t matuma siorna cannabisimik pujortartoqartarsimanera assaanermi paasineqartoq

- Cannabisit aanngajaarniutitut atorneqarsimanerannut takussutissani maannamut pisoqaanerpaalerpoq, Hawaii-ip ilisimatusarfiani naasorsiooq, Mark Merlin oqarpoq.

Nassaarineqartoq Kinap, Pakistanip Tadsjikistanillu killeqarfiini Pamirip qaqqaani qatsissumi nassaarineqarpoq.

- Ilisinermi pujortartut tarnit silarsuaannut attaveqarnissartik immaqa neriuutigisarsimavaat, assaaqataasut ilaat Beijingimi ilinniarnertuut ilinniarfiannit ilisimatooq, Yimin Yang oqarpoq.

- Nassaarisagut tunngavigalugit ilisinermi ileqqorsuutigisarsimasaat soorlu inneq, nipilersuutit, aanngajaarniutillu takorluuititsisartut atorsimagaat paasivarput, atuagassiami, Acience Advancesimi ilisimatuut allapput.

Itsarnisarsiuut Asiap qiterpasissuani aamma Sibiriap kujasissortaani ukiuni hunnorujulikkaani 20-ni assaasarnerminni cannabisissanik naasutaanillu nassaartarput.

Cannabisilu iluaqutissatut aamma atorneqartarsimasoq soorlu atisanut. Taamaammat naasup aanngajaarniutitut atorneqarsimaneranut tamanna uppernarsaanngilaq.

/ritzau/AP