Kinami illoqarfissuarmi qaartoorujussuarput
Quersuit ilaat immikkut misissorneqarpoq, qaartiterutimmi tassani pingasunngornerup tungaanut uninngasuutigineqarnikuummata.
Akoorutissat ilaat tassani ulorianartumik gassiliorsinnaapput, imermillu akuneqaraangamik ulorianarnerulersinnaallutik. Kinami oqartussat taama nalunaaruteqarput.
Qatserisartut siulliit takkuttut ikuallattoqarnera soorunami qaminniarsimavaat, akoorutissallu taamaalinerani gassinnguussimassapput, kingornalu qaartoorujussuartoqarluni. Innermik qamitsiniarnerminni pulverimik atuisimasussaagaluartut oqaatigineqarpoq.
Qaartoorujussuarnerit taakku marluk pissutaallutik inuit 54-it ajunaarput.
Qatserisartut ikinnerpaamik aqqaneq-marluk ajunaarput, inuillu 700-t missaat aqqunartiterput, taakkunannga 71-it perulullutik.
Tianjinip umiarsualivia Nunarsuarmi annernut ilaavoq, qaartoornerillu qaammataasianit aamma takuneqarsinnaapput.
Tysklandimi biililiorfissuup Volkswagenip biilii nutaat 2000-it umiarsualiviup eqqaani uninngatinneqartut nunguillutik ikuallassimasut, Volkswagenip uppernarsarpaa, Frankrigimilu biililiorfiit ilaata Renaultip biilii 1500-ngajaat ajoqusersimasut aamma nalunaarutigineqarpoq.
