- Taanna habilitetimut tunngatillugu. Tassani atuakkani tunngatillugu suliami tassanerpiaq tulluanngilaq oqaatigissallugu tassaniittoq, Kim Kielsen Qanoruumi apersorneqarluni oqarpoq.Assi: KNR

Kim Kielsenip pasilliutigineqartut itigartitsissutigai: Akuliussinnaanngitsuunngilanga

Kielsenip umiatsiani aalisartumut attartortikkamiut ilutigisaanillu nipisannut pisassiissuteqartoqarqarnerani akuliussinnaannginnermut malittarisassanik unioqqutitsinerarneqarnini itigartitsissutigaa.

Malittarisassat tamarmik malinneqarput.

Naalakkersuisut siulittaasuat, Siumumeersoq, Kim Kielsen Qanoruumi ippassaq apersorneqarnermini taama oqariartuuteqarpoq.

Taassuma Naalakkersuisuutitaasa nipisannut pisassiissutit ilammatigit ilutigisaaanillu siulittaasup umiatsiani nipisanniartumut attartortikkamiut imminut iluanaarutississimaneragaanini itigartitsissutigaa.

- Taanna habilitetimut tunngatillugu. Tassani atuakkani tunngatillugu suliami tassanerpiaq tulluanngilaq oqaatigissallugu tassaniittoq. Habilitettimut tunngatillugu soorunami uanga oqaruma; ”uanga tassa massakkut aalisariaqataavunga”,  pissarsivunga tassani. Angallat attartorpaaat. ”Aak, inuttaqanngitsoq aajuna attartorpaa, Kim Kielsen oqarpoq.

Siulittaasup oqarnera naapertorlugu nammineq akuliussimasinnaatitaanngitsuunngilaq, umiatsianimi attartortiinnarpaa aalisaqataananilu.

Politikkikkut aalajangiineq

Akuliussimasussaatitaannginneq pillugu suliaq Inuit Ataqatigiit tusagassiuutinut marlunngormat nalunaaruteqarneranni aallartippoq, taakku Kim Kielsen Naalakkersuisuni atuuffimminik atornerluisimanerarpaat.

Kielsenip nipisannik pisassiissutit 204 tonsiusut aalajangiiffigineqarnerat peqataaffigisimagaa erseqqissaatigaat, aalajangiineq taanna politikkikkut aaqqiagiinngissutaavoq.

Kim Kielsenip nammineq umiatsiani aalisartumut nipisanniartumut apriilip ulluisa 27-annit maajip ulluisa 19-iannut attartortippaa. Taamaammat Inuit Ataqatigiit Naalakkersuisut siulittaasuat pisassiissutinik qaffaanissamut politikkikkut aalajangiinermi aningaasanik iluanaaruteqarsimanerarlugu pasivaat.

Kim Kielsenilli malittarisassat unioqqutissimannginnerarpai. Taassuma pisassiissutinik qaffaanissamut siunnersuutigineqaqqaartoq Naalakkersuisunit itigartitsissutigineqartoq nassuiaatigaa.

AAMMA ATUARUK Nipisanniarneq kitaata imartaani sivikitsumik ammarneqaqqippoq

Tamatuma kingorna – Kielsenip oqarnera naapertorlugu – nipisannut 204 tonsinik siorna pisarineqarsimanngitsunik ukioq manna pisassiissutissiisoqarnissaa aalajangerneqarpoq. Tamatuma saniatigut ukioq manna sipportuukkat 128 tonsit ilanngaatigineqartussaapput.

- Uani ilassut itigartinneqarpoq. Taamaattorli siorna pisarineqanngitsoorsimasut 204 tonsit ukioq mannamut nuutinneqarput. Taakkualu Naalakkersuisut isumaqatigiittut aalajangerpaat, Kim Kielsen Qanoruumi apersorneqarnermini oqarpoq.

Naak siulittaasoq pisassiissutinik qaffaaqataagaluarluni suliamut attuumassuteqarpallaarsimanerarneqarnini apersorneqarnermini qasseeriarluni itigartitsissutigaa.

Kim Kielsenip umiatsiami attartortinnera 27.000 koruuninik iluanaarutigisimallugu oqarpoq.

Kielsenip umiatsiani aalisartumut umiatsiaajarsimasimasumut attartortissimallugu oqarpoq. Tamatuma saniatigut aalisartoq ikinngutigalugu siulittaasoq oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat