Nipisanniarneq kitaata imartaani sivikitsumik ammarneqaqqippoq
Imartani Paamiut avannaaniit Kangerlussuaq tikillugu nipisanniarusuttunut nutaarsiassaqarpoq.
Aqutsiveqarfinni marlunni maajip arfineq aappaat aallarnerfigalugu nipisanniartoqarsinnaajunnaartoq, sapaatit akunneranni kingullermi nalunaarutigineqaraluarpoq.
Naalakkersuisut tusagassiorfinnut taama nalunaaruteqarput.
1E: Pingasunngorneq maajip ulluisa 13-iat
1A: Tallimanngorneq maajip ulluisa 15-iat
1Ba: Ataasinngorneq maajip ulluisa 18-iat
1F: Ataasinngorneq maajip ulluisa 18-iat
1Bb: Marlunngorneq maajip ulluisa 19-iat
Tusarfik: Naalakkersuisut
Kalaallit Nunaanni Aalisarnermut Nakktilliisoqarfiup paasissutisiinera naapertorlugu ammaasseqqinneq politikkikkut aalajangerneruvoq.
AAMMA ATUARUK Kitaani sumiiffinni marlunni nipisanniarneq maajip ulluisa arfineq-aappaanni unissaaq
Aqutsiveqarfiit pineqartut tassaapput 1C, Nuup kangerluaniit Kangerlussuaq tikillugu. Tassani tunisineq maajip ulluisa 16-iannut killeqalerpoq.
Kiisalu aqutsiveqarfik 1D, Nuup nalaaniit Paamiut avannaanut. Tassani tunisineq maajip ulluisa 17-iannut killeqalerpoq.
Kitaata imartaani aqutsiveqarfinni allani tunisineq ullunut taakkunanut aamma killeqalerpoq.
Paamiut nalaani tunisineq maajip ulluisa 13-iannut killeqalerpoq, aamma Qeqertarsuup tunuani Uummannallu nalaani tallimanngornermi maajip ulluisa 15-iannut killeqalerluni.