Ataatsimiititaliamit isornartorsiuineq Immanuelsenimit ilumuunnginnerarneqarpoq
Aalisarnermut Piniarnermut Nunalerinermullu ataatsimititaliap, Naalakkersuisunut ilaasortaq Jens Immanuelsen sakkortuumik isornartorsiorpaat, nipisat suaannik immikkut ittumik pisasseeqqissimanera pillugu.
Ataatsimiititaliaq ima allappoq:
- Aalisarnermut, Piniarnermut Nunalerinermullu Naalakkersuisup naak ilisimagaluarlugu MSC-mut nalilersuut ulorianartorsiortissinnaallugu nipisaat suaannik immikkut pisasseeqqissimanera isornartorujussuusoq akuerineqarsinnaanngitsorlu ataatsimiititaliaq isumaqarpoq, Aalisarnermut Ataatsimiititaliaq taama allappoq.
AAMMA ATUARUK Nipisanniarneq kitaata imartaani sivikitsumik ammarneqaqqippoq
MSC-mut nalilersuut, tunniunneqartarpoq nungusaataanngitsumik aalisartunut, nipisallu suaanik immikkut pisasseeqqittoqarneratigut nalilersuut pingaarutilik tassalu nungusaataanngitsuuneranik mærke annaaneqarnissaminut ulorinartorsiorpoq, Ataatsimiititaliaq isornartorsiuteqarluni taama allappoq.
Ataatsimiititaliaq taama isornartorsiuteqarpoq, nipisat suaat pillugit 17 maj Jens Immanuelsenimik siunersiuereerluni.
AAMMA ATUARUK Kitaani sumiiffinni marlunni nipisanniarneq maajip ulluisa arfineq-aappaanni unissaaq
Aalisanermullu Naalakkersuisut Jens Immanuelsen pineqartoq pillugu akissuteqapallapoq.
Taassuma MSC-mut nalilersuutip annaaneqarnissaanut isumminngilaq, ataatsimiititalialli oqaaseqarnera eqqortuunnginnerarpaa.
- Matumuuna erseqqissaatigineqassaaq Ataatsimiititap oqaaseqarnera eqqortuunngimmat tassami, Aalisarneq pillugu inatsit naapertorlugu Naalakkersuisut tamarmiullutik pisassiissutinik aalajangersaasinnaatitaammata, tamannalu Aalisarnermut, Piniarnermut Nunalerinermullu Naalakkersuisumit aalajangiivigineqarsinnaanngimmat , Jens Immanuelsen taama oqarpoq.
Jens Immanuelsen immikkut pisasseeqqinneq kisimiilluni akisussaaffiginianngilaa, Naalakersuisut tarmarmillutik aalajangersaaqataammata.
