Kim Kielsen: Siumukkormiut imminnut uppisipput
Kalaallit Nunaanni Inatsisartunut qinersineq naammassimmat, Siumut ikinnerussuteqarluni naalakkersuisoqartitsiunnaarpoq.
Tassa imaappoq, Kim Kielsen Kalaallit Nunaanni naalakkersuisunut siulittaasuujunnaarpoq.
- Tamanna ilumoorpoq, Kim Kielsen oqarpoq.
Siumut Inatsisartunut ippassaq qinersinermi 7.971-init taaguunnarpoq.
Tamanna taasisut 29,4 procentiisa taaguussinerat assigaa.
2018-imi qinersisoqarmat Siumut 7.957-init taaguunneqarpoq. Taakkulu ippassarmit 14-inik ikinnerullutik.
Tassa imaappoq taasisut 27,2 procentii Siumumik taasipput.
Siumumi avissaartuunneq Siumup Inatsisartunut qinersinermi ajorsarneranut peqqutaasoq, taanna erseqqissaavoq.
- Siumumi ukiuni kingullerni pingasuni avissaartuunneqarpoq. Partiimi ilaasortarpaat suliavut tamangajammik ilaatigut naalakkersuisoqatigiinnissamik isumaqatigiissutinut tunngasut akerleraat.
- Siumukkormiut imminnut uppisipput, taanna oqarpoq.
AAMMA ATUARUK Ilisimatooq: Aatsitassarsiulersaarneq siulittaasunngorniuunnerlu qinersinerup inerneranik aalajangiisuupput
Partii illuatungiliuttoq, Inuit Ataqatigiit (IA), qinersisut 36,6 procentiinik qinersiseqarluni Kalaallit Nunaanni partiini anginerpaanngorpoq, taamaalillunilu naalakkersuisunngortitsisussaatitaalerluni.
Siumumi ilaasortarpaat partiip anguniagaannit allanik anguniagaqarsimasut taakkulu akerliliiumatuujusut, Kim Kielsen oqarpoq.
- Taakku Siumumi eqqissiviilliortitsisuupput. Taamaannerallu naalakkersuisoqatitsinnut eqqissiviilliortitsivoq.
- Immikkut soqutigisaqarnerat peqqutaavoq. Naalakkersuisoqatigiinnissamik isumaqatigiissut Siumup pingaartippaa, taakkuli pingaartitaat allaarpasipput.
Isumaqatigiinnginneq tatiginninnginnerlu
Kim Kielsen Siumumi siulittaasutut novembarimi uppisinneqarpoq. Taanna Erik Jensenip 35-nit toqqarneqarnerani 29-nik toqqarneqarluni ajorsarpoq.
Taamaakkaluartorli Naalakkersuisut siulittaasuatut ippassaq qinersisoqarnissaata tungaanut atuutiinnarpoq.
Ukiullu affaa kingulleq Siumup iluani aaqqiagiinngiffiungaatsiarpoq - partiip siulittaasortaava Erik Jensen partiimi Kielsenimut akerliusuniippoq.
Erik Jensen ukiut marluk affaata ingerlanerani siulittaasuminut marloriarluni toqqaannartumik tunuppoq: Siullermik Inatsisartuni Atassut Kim Kielsenimut tatiginnikkunnaarnermik okotobarimi oqaaseqarmat.
Kim Kielsenimut tatiginnikkunnaarnermik tasinissaq amerlanerussuteqarfigineqarluni qaangerneqarpoq: Tassani amerlanerussuteqaqqarluinnartut Kim Kielsenimut tatiginnikkunnaarnissamut itigartitsipput: 14-it akuersipput, 13-it akerliupput marlullu taasinatik.
AAMMA ATUARUK Inatsisartunut qinersineq: Kim Kielsen Paamiuni taaguunneqarnikinnerusoq
Erik Jensen siulittaasuminut tatiginnikkunnaarnissamik taasinissamut taasinngitsut marluk aapparaa.
Aappassaa siorna aggustimi pivoq. Erik Jensen siumumi ilaasortat arfineq-marluk Kim Kielsenip tunuarnissaanik piumasaqartut ilagaat.
Ilaasortat arfineq-marluk Kim Kielsenimut tatiginnikkunnaarlutik allagaqarput, Kielsenillu tunuarnissaa piumasaralugu.
Kim Kielsenip Siumut qineqqusaarnermi neriorsuutaanik politikkianillu immikkoortuni assigiinngitsuni ilaatigut aalisarnermi qilalukkanillu qernertanik pisassiissutinut atatillugu malinninnginnera isornartorsiorlugu allappaat.
Erik Jensen allakkami atsioqataanermini aatsitassaqarnermut suliffeqarnermullu naalakkersuisuuvoq. Taanna naalakkersuisunit siorna novembarimi tunuarpoq.
Kim Kielsen Siumup siulittaasuatut siorna uppisitaavoq, Kalaallit Nunaannili naalakkersuisunut maannamut siulittaasuuginnarluni. Taanna Inatsisartunut ippassaq marlunngornermi qinersinermi 1841-nik taaguunneqarpoq.
