Inatsisartunut qinersineq: Kim Kielsen Paamiuni taaguunneqarnikinnerusoq
Paamiuni Inatsisartunut qinersinermit kisitsisit kisinneqarnerat naammassingajalerpoq. Kim Kielsenilu (Siumut) Paamiuni angerlarsimaffimmini 221-nit taaguunneqarsimasoq kisitsisit kingulliit takutippaat. Inatsisartunut 2018-imi qinersisoqarmat 317-init taaguunneqarpoq.
Siumut taamaakkaluartoq Paamiuni 321-nit taaguuneqarluni taaguunneqarnerpaavoq.
Inuit Ataqatigiit Paamiuni 202-nit taaguunneqarluni taaguunneqarpaat tulliuvoq.
Naleraq 42-nit taaguunneqarpoq.
Paamiuni Inatsisartunut qinersinermut taasisinnaatitaasunit 977-init 633-t taasiartorput.
Kim Kielsenili partiimini suli taaguunneqarnerpaavoq. Taanna nalunaaqutaq 00.30-nngortoq nunarput tamakkerlugu 576-init taaguunneqarsimavoq.
Siumumi qineqqusaarngaartoq, Aslak Vilhem Jensen taaguunneqarnerpaat tulliuvoq. Taanna maannamut 337-nit taaguunneqarsimavoq.
Siumup siulittaasua, Erik Jensen maannamut 228-nit taaguunneqarsimavoq.
Piffissami matumani nalunaaqutaq 00.35-nngortoq Siumut nuna tamakkerlugu 2.825-nit taaguunneqarsimavoq.