Kim Kielsen kunngissamut qaavoq
- Atisassat piareersaarneqarput. Manissaarujoorpunga annoraanik qarlinnillu, Kim Kielsen oqarpoq, taassuma qaaqqusat 360-it allat peqatigalugit Christiansborgimi kunngissaq unnugu nalliuttorsiutigissavaat.
Naalakkersuisullu siulittaasuat qaanissaminut tunniussassaqarnerarpoq.
- Nunatsinninngaanniit 50-iliisumut tunniussassaqarpugut, tunniussassarput qalipagaq Niels Motzfeldtip qalipagaa. Inuttaata qanoq isikkoqassanersoq nammineq suliarivaa.
Kim Kielsenip qalipagaq suli takusimannginnerarpaa pissagaginerarlugulu takunissaa.
AAMMA ATUARUK Kronprinsens fødselsdag bringer minder frem
Tunissutit saniatigut nereqatigiinnermi ilaatigut aspargesinik naatsiatuuttoqassaaq, rabarberit citronillit kinguleraralugit taamaammat Kim Kielseni qilanaarutissaqarluarpoq.
- Nunat avannarlerni naalakkersuisut aamma kunngikkormiut arlallit peqataasut takuneqarsinnaavoq. Taamaammat nunatta sinniisuattut peqataatinneqarnerput nuannaarutissaavoq.
Kim Kielsenip qaaqqusat allat assigalugit qaaqqusisunit tikilluaqquneqarnermini kunngissamit eqerujussuarneqarpoq, kunngissallu nulianit Marymit ersakkut kuninneqarluni.
Dronning Margrethep nunatsinnit 2012-mi niaqorut tunissutisiani atorpaa, taanna nunatta guultianit sanaajuvoq, rubininik diamantinillu pinnersaasersugaq. Niaqorut Nicolai Appelimit sanaajuvoq, Dronning Margrethellu ukiuni 40-ni Dronningiuneranut atatillugu tunissutaalluni.