Kim Kielsen Doris Jakobsenilu Savalimmiuni nalliuttorsioqataasut

Nunat pineqartut pingasut assigiissutaat Kim Kielsenip oqalugiarnermini erseqqissarpaa.

- Assersuutigalugu nunanut allanut sanilliulluta pinngortitamut qaninnerulluta inuuvugut, Kim Kielsen oqarpoq.

AAMMA ATUARUK Islandip præsidentia ataqqinaammik nersornaaserneqartoq

Naalakkersuisuni ilaasortaq Doris Jakobsen oqalugiarnermini pitsaaqutit ilaanik aalajangersimasumik assersuuteqarpoq.

- Piviusut ilaattut taaneqarsinnaavoq EU-p puisinut peqqussumminik iluarsartuusseqqinneranut atatillugu Nunat Avannarliit Killiit Siunnersuisoqatigiiffiata tapersersuinermigut pimoorussinermigullu pineqartoq pillugu nunanit tamalaanit maluginiarneqarluarmat, Doris Jakobsen oqarpoq, nangillunilu:

- Peqqissutsimik suliaqarnermut atatillugu suleqatigiinnitta annertusarnissaanut periarfissaqarpugut. Ilaatigut tamanna pisinnaalluni peqqissutsimik sulisutta paarlaateqatigiittarnerisigut, taamaaliornitsigummi Kalaallit Nunaata nakorsanik atorfinitsitsiniartarnermini ajornartorsiutai ikiorserneqarsinnaassammata, Doris Jakobsen oqarpoq.

AAMMA ATUARUK Nunat avannarliit killiit siunnersuisooqatigiivi ukiunik 30-nngortorsiorput