Kim Jong-un Putinilu siullerpaamik naapittut
Nunarsuarmi nunat siuttui tassa Korea Avannarliup siuttua Kim Jong-un aamma Ruslandip præsidentia Vladimir Putin naapeqatigeeqqammerput. Ataatsimeeqatigiinneq minutsinik 50-nik sivisussuseqartussaagaluarpoq, akunnerilli marluk matoqqasumik ataatsimiipput.
Kim Jong-Un akunnerit qulingiluat qimuttuitsoreerluni Rusilandimut Vladivostokimut apuukkami qarlortartartoqatigiinnit tikilluaqquneqarpoq.
Vladimir Putinip Kim Jong Un apriilimi tikeraarsarpaa, tamatumalu malitsigisaanik Korea Avannarleq Korea kujallerlu aamma Korea Avannarliup USA-llu ataqatigiinnerat pillugit ataatsimiipput. Aamma Koreap qeqertaasaani atomimik qaartartorsuit aamma ataatsimiinnermi eqqartorneqarput.
- Ataatsimiinneq imartooq naammassineqartoq, Putin Kim Jong Unimik ataatsimeeqateqareerluni taama oqarpoq.
Ruslandi Korea Avannarliup aningaasarsiornerup siumut saatsinnissaanut koreallu qeqertaani pisut pillugit oqaloqatigiinnissaq Putinip ilaatigut neriorsuutigai
- Koreap qeqertaasaani pisut pillugit aaqqiissuteqarnissamut isumaqatiginniarluassalluta neriuutigaara, Kim Jong Un siusinnerusukkut taama oqaaseqartoq, CNN allaaserisqarpoq.
/ritzau/Reuters