Kim Jong-un: Atomi atorlugu sakkut atornissaannut piareersimajuassaagut
Tamatumani siunertarineqarpoq atomi atorlugu sakkut amerlisarnissaat.
Tamassumunnga atatillugu Kim Jong-un-ip aamma oqaatigalugu, atomi atorlugu sakkut qaqugukkulluunniit atoneqarnissaat Korea Avannaleq piareersimajuassasoq.
Korea Avannarlermi naalagaaffiup tusagassiivia, KCNA allappoq.
Kim Jong-un-ip taama inassuteqarnera pivoq nunami atomi atorlugu sakkussiaatigineqartut misissuataarneqareersullu.
Atomip nukinga atorlugit nunamit nunamut igeriuttakkanik marlunnik qaartartunik, sungiusaatigalugu pivusuusaartitsillunilu igeriussisoqarsimasoq, tusagassiorfik KCNA aamma paasissutissiivoq.
Aamma paasissutissiissutigineqarluni sakkussiat immap iluani atorneqarsinnaasut misilerarneqarsimasut.
Aqqartartoq inuttaqarani ingerlaarsinnaasoq atomillu nukinga atorlugu qaartartunik igeriussinermi malerujussuarnik pilersitsisinnaasoq misilerarneqarsimasoq, sapaatip akunnerani kingullermi Korea Avannarlermit oqaatigineqarpoq.
