Kiisami ingerlaqqipput

Banko, nanusiorneq oqaluttuaqattaannerlu. Sinersortaammi Sarfaq Ittummi ilaasut sikorsuarnik ulluni arfinilinni kiggigussaaqqarnerminni imminnut aliikkusersorlutillu qiimmassaqatigiissimapput.
Assi © : Mads Pihl/Visit Greenland
Allattoq Ane-Marie Petersen
marsip 27-at 2018 19:17

Sinersortaallu kiisami ingerlaqqilluni Arsummut tikilermat ilaasut nuannaarnermik nilliarrassimapput.

- Torsukattaap paavani adressitaaraluarpugut, 3930 Torsukattak, Benigne Poulsen quiassuarluni oqarpoq.

Taanna angalaqataalu 36-t sulisullu 22-t Arsuup kujataani sikorsuarnik ulluni arfinilinni kiggigussaaqqasinnarlutik marlunngornerup ullaap tungaani kiisami ingerlaqqipput.

AAMMA ATUARUK Sarfaq Ittuk angalaqqilertoq

Ilaasunullu sivisunermik angalaqataareerluni nunamut tulakkiartorneq nuannaarutaasimavoq.

- Ilaaqatigullu nilliarrappugut Arsummut tikileratta.

Benigne Poulsen angalaqatinilu ilisarisimasariilerlutillu avissaartussanngorput.

- Bankortittarlutalu aliikkutaqartittarpaatigut. Taava aamma ilaqatigiilluta oqaluttuaqattaattarlutalu aliikkusersortarpugut sivikillisaatigalugu. Nuannertaqaaq taamaaliornerput.

AAMMA ATUARUK Sarfaq Ittuk sikorsuarnit mattussaasoq

AAMMA ATUARUK Sarfaq Ittuk sidder stadig fast

Sikorsuit akornanniilluni uumasoqarpiaranilu takusassaqarpallaarsimanngikkaluartoq ilaasut takusassarsiortarsimapput.

- Nanorsiortaraluaratta nanunik takunngitsoorpugut. Kisianni sikumi tuminik takuvugut, nannup tumai.

Benigne Poulsen uinilu Nuummut panitsik katittooriarlugu maanna ingerlaarput.

Sarfaq Ittuk aqagu ualikkut marlunut tikissaaq, misissorneqassallunilu. Pilersaarutit malillugit tallimanngorpat angalaqqilissaaq.

Aamma atuaruk