Kielsenip IA utaqqivaa - aalisarnermut tunngasut apeqquterujussuupput
Taamaattoqassappalli akerleriiffiusut annerit ilaannut isumaqatigiissuteqartariaqassapput:
- Pingaartumik aalisarnermut inatsisissamut tunngatillugu sukumiinerusumik oqaloqatigiinnissaq pisariaqartitsiviusinnaavoq. Taamaattorli Siumumit IA-mut erseqqissaatigereerparput naaperiaanissamut piumassuseqarluarluta, taamaalilluni inatsit sapinngisamik tamatta naammagisimaarsinnaasarput aammalu minnerunngitsumik aalisarnermik inuussutissarsiuteqartut naammagisinnaasaat iluaqutissarsiffigisinnaasaallu anguniassagatsigu. Siumumit piareersimavugut aalisarnermut inatsisissaq naleqqussassallugu, tassanilu pingaaruteqarpoq susassaqartut qanimut suleqatigalugit ilusilersuisoqarnissaa, Kim Kielsen Sermitsiaq.AG-mut oqarpoq.
Inuit Ataqatigiit Siumullu sisamanngornermi nalunaaqutaq 14:30 ataatimiittut, KNR-ip tusagassiortua malinnaasoq oqarpoq.
Demokraatit Siumumik isumaqateqarsinnaannginnamik naalakkersuisunngortitsinissamut isumaqatigiinniarnernit tunuarlutik pingasunngormat nalunaarutigaat. Demoktaatilli partiit allat peqatigalugit naalakkersuisunngortitsinissamut isumaqatigiinniarnissamut ammapput.
AAMMA ATUARUK Evaldsenip naalakkersuisoqataanissaq sussakkiinngilaa
AAMMA ATUARUK IA Kielsenimut arfineq marlunnik piumasaqarpoq