IA Kielsenimut arfineq marlunnik piumasaqarpoq
IA Kim Kielsenimik Siumumillu nutaamik naalakkersoqatigiilernissaq pillugu ulluni makkunani isumaqatiginninniarnermini sunik tunngaveqarnersoq, partiip nammineq atugassatut allagaataani erserpoq.
Tassani ilaatigut atuarneqarsinnaavoq, partii arfineq marlunnik piumasaqaateqartoq. Inuit Ataqatigiit piumasaraat, IA-p siunnersuutaa tunngavigalugu aalisarnermut inatsisissatut siunnersuummik nutaamik saqqummiussisoqassasoq, Tunngaviusumik inatsimmut ataatsimiititaliaq allanngussasoq Inatsisartunut ilaasortanngitsunik inuttaqalerluni taava aamma naligiisitsinermut immikkoortitsinnginnermullu inatsisiliornissaq, partiip kissaatigaa.
Taava aamma Namminersorlutik Oqartussani, suliassaqarfiit akimorlugit annerusumik sulisoqalersillugu, ingerlatsinermik iluarsaaqqinnissaq partiip piumasaraa. Ilinniartitaaneq tamakkerlugu nukittorsarneqassaaq, aningasaqarnermullu politikkip akisussaassuseqartuunissaa qulakkeerniarlugu iluarsaaqqinnernik aallartitsinissaq partiip kissaatigaa. piumasaaqaatit arfineq aappaattut uumasuuteqarneq nunaateqarnerlu siuarsarneqaqquaaat.
Aamma uranimut naaggaartuunertik aalajangiusimavaat.
AAMMA ATUARUK Inuit Ataqatigiit Nuummi kinguariarujussuartut
Partiit naalakkersuisoqatigiilernissamut sapaatit akunerani kingullermi pingasunngornermi, qinersinerup aqaguanili, isumaqatigiinniarput. Demokraatillu naalakkersuisuulersussani peqataaniaratik sapaatit akunneranni uani pingasunngornermi nalunaarput.
Taamaalilluni Siumup Inuit Ataqatigiit aamma Partii Naleraq peqatigalugit naalakkersuisunngornissaat aqqutissiuunneqarpoq, partiit taakkua isumaqatigiissinnaanissaat apeqqutaalluni. Tassa qinersinerup siornatorluinnaq ilersinnaalluni.
AAMMA ATUARUK Demokraatit naalakkersuisunngortitsiniarnermut isumaqatigiinniarnernit tunuartut
