Evaldsenip naalakkersuisoqataanissaq sussakkiinngilaa
Naak Demokraatit naalakkersuisunngortitsiniarnermut isumaqatiginninniarnernit tunuaraluartut, Demokraatit partiit allat suleqatigalugit naalakkersuisoqatigiiliorsinnaanissaannut Randi Vestergaard Evaldsen ammavoq.
Demokraatit naalakkersuisunngortitsiniarnermut atatillugu Siumumik isumaqatiginninniarnernit tunuartut Demokraatit ippassaq unnukkut nalunaarutigaat. Tamannali isumaqanngilaq Demokraatit naalakkersuisoqatigiinniilernavianngitsut:
- Siumut massakkut oqaloqatigereerparput, Siumullu oqaloqatigiinnerit suli ingerlappai, taassumallu kinguneranik takujumaarparput qanoq inerneqartoqarumaarnersoq. Periarfissat assigiinngitsut suli ammapput, ullullu tullinnguuttut paasisaqarfigineqarumaarput, Demokraatit siulittaasuat Randi Vestergaard Evaldsen taama oqarpoq.
AAMMA ATUARUK Evaldsenip naalakkersuisoqataanissaq sussakkiinngilaa
Inuit Ataqatigiit ilaatigut suleqatigalugit naalakkersuisoqatigiiliortoqarsinnaanissaanut Demokraatit taamaasillutik ammatippaat.
Ingerlatsiviup isertitaminit akileraarutaata appartinneqarnissaanut Demokraatit piumasaqaataat isumaqatigiissutigineqarsinnaasimanngitsoq, tunngaviusumillu inatsisissaq pillugu ataatsimiititaliap sulinerata unitsikkallarneqarnissaanut Demokraatit piumasaqaataat naammassineqarsinnaasimanngitsoq, Randi Vestergaard Evaldsenip oqaatigaa.
