Kielsen politikkikkut uivertoqarnerani aavariarluni aallartoq
Inatsisartuni amerlanerussuteqarunnaarpoq, aqutseriaasia isornartorsiorneqarpoq danskillu naalagaaffiannut milliardinik naleqartumik isumaqatigiissuteqarnera assigiinngitsunik isumaqarfigineqarluni. Inatsisartuni tapersersorneqarnera erfattutut ippoq, taamaakkaluartorli Kim Kielsen pissarsiassaanngilaq.
Siumumit paasissutissiissutigineqarpoq partiip siulittaasua, sapaatit akunnerata akerliussutsimik takutitsisoqarneranik isornartorsiuisoqarneranillu pisoqarfiungaatsiartup kingorna kisimiilaarnissaminik pisariaqartitsisoq.
- Angutaavoq kisimiikkaangami eqqarsarluarnerusartoq, partiip allattaa Mikael Petersen oqarpoq.
Kielsenillu septembarip ulluisa 20-at sioqqullugu utissasoq, tassalu Inatsisartut ataatsimiinnissaat ullunik arfineq-pingasunik sioqqullugu, taassuma ilisimatitsissutigaa.
AAMMA ATUARUK Partii Naleraq akerliussutsimik takutitsiniartoq
Nutaanik naalakkersuisoqatigiiliornissaq pillugu Inuit Ataqatigiinnut Demokraatinullu isumaqatigiinniarnerit septembarip 21-ani aallartissapput.
- Partiit marluusut isumaqatigiinniarnissamut siunnersuutinik nassereerpagut. Kim naalakkersuisooqatigiinnik nutaanik pilersitsinissaq pillugu partiip siulersuisunerinit piginnaatitsissummik ullut marlussuit matuma siorna tunineqarpoq, Mikael Petersen oqarpoq.
Isumaqatigiinniarnerilli taakku Kim Kielsen sapaatit akunnerata tulliata aallartinnerani utereerpat aatsaat aallartinneqarsinnaapput.
Mikael Petersenip ilanngullugu ilisimatitsissutigaa Kim Kielsenip partiip siulittaasuatut tuniarnissani imaluunniit qinersisoqarnissaanik suaaruteqarnissaminik eqqarsaateqanngitsoq.
AAMMA ATUARUK Aningaasaqarnermut ataatsimiititaliap Kim Kielsen ataqqinninngineraraa
AAMMA ATUARUK Akerliusut sakkortuuliornerat Kim Kielsenip nuanniilliutigigai
