Brexit pillugu Kim Kielsen Lars Løkkelu oqaloqatigiipput
Statsministeriaqarfik allappoq ataatsimiinneq ajunngitsumik ingerlasimasoq.
- Danmarkip Kalaallit Nunaatalu aningaasaqarnikkut polikkikkullu ingerlanerat ilaatigut eqqartorlugit ataatsimeeqatigiilluarsimallutik, naalakkersuisut siulittaasui ataatsimut oqaaseqaateqarput.
Danmarkip Kalaallit Nunaatalu nunanut allanut politikkiat suleqatigiissutiginiarlugu ilaatigut eqqartorsimavaat.
- Ataatsimiinnermi nalilersuivugut suliassallu unammillernarsinnaasut eqqartorlugit, soorlu Brexitip kingorna EU'p aningaasaqarnera. Tuluimmi Nunaata EU-mit aninera aamma Kalaallit Nunaannut assut sunniuteqartussaasoq marluullutik erseqqissaatigaat.
- Avatangiisittaaq sillimaniarnerlu Kalaallit Nunaannut tunngasut eqqartuiffigisimavaat. Kissaatigaarput qanittumik inerneqartussamillu suleqatigiinnitta nangiinnarnissaa, tusagassiuutinut taakku allapput.
Kim Kielsen KNR-imit apersorneqarusussimanngilaq.