Kielsen naalakkersuisooqatigiinnik nutaanik pilersitsiniassasoq

Siumup siulittaasua Kim Kielsen (S) Naalakkersuisut siulittaasuattut nangissalluni, KNR-imut oqarpoq. Piffissamilu aggersumi nutaanik naalakkersuisoqatigiiliorsinnaanermut periarfissanik misissuiniarpoq.

Partii Naleraq Naalakkersuisoqatigiinnit sapaammi ualikkut tunuarpoq Kim Kielsenillu tunuliaqutai taamaalillutik amerlanerussuteqarunnaarput.

Kim Kielsenili Naalakkersuisut siulittasuattut ingerlaqqissaaq:

- Tassa piginnaatitsissut pigereerpara. Ajornanngilaq.

Taanna oqarpoq, tunuassaguni Inatsisartut aggersarneqaqqaartariaqartut, Naalakkersuisunullu siulittaasuunissamut Inatsartuniit maannamut piginnaatinneqarluni. Piginnaatitsissut, upernaaq apriliip 24-anni sivikitsumik ataatsimiinnermi pissarsiani.

AAMMA ATUARUK Partii Naleraq Naalakkersuisooqatigiinnit peqataajunnaartoq

Kim Kielsen oqarpoq piffissami nutaanik naalakkersuisoqatigiiliorsinnaanerluni misissussallugu.

- Inatsisartut aallartinnissaata tungaanut partiit allat aamma oqaloqatigisartussaassavakka, Naalakkersuisoqataanissamut tunngatillugu tunngavissaqarnersoq aamma naalakkersuisoqatigiinnik pilersitsisinnaassanersugut.

Partii Naleqqap politikkikkut oqaaseqartartuata Jens Napaattuup, Naalakkersuisunik uppititsiniarluni arlaleriarluni sioorasaarutigaa, statsministerip Lars Løkke Rasmussenip danskit mittarfiliortiternernut tapersiinissaat pillugu isumaqatigiissusioriartorniarluni nunatsinnukalersoq saqqummermat, tamanna akuerisinnaanagu kingullermik oqaatigalugu.

- Uagut Partii Naleqqaminngaanniit akuerisinnaanngilluinnarparput taama killiffeqartoqarnera, Jens Napaattooq arfininngormat oqarpoq.

AAMMA ATUARUK Mittarfiliortiternermi danskit peqataatinneqassappata akuerisinnaanngilluinnarparput

Taamaammat Partii Naleqqap naalakkersuisoqatigiinnit tunuarnera tupannarujussuanngitsoq, Kim Kielsen oqarpoq.

- Tassa oqarsinnaavugut aamma uani piffiup aamma sivisulaartup ingerlanerani  malunnarsiartuualereersimavoq. Arlaatigut tassani, sumi tamani oqariartuutit assigiinngitsut ingerlanneqartut, Partii Naleqqap ilaasortaaninngaanniit sioorasaarinerillu allallu ingerlanneqaqattaartut tusaasaqattaarpagut, Naalakkersuisut siulittaasuat, Kim Kielsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat