Partii Naleraq: Mittarfiliortiternermi danskit peqataatinneqassappata akuerisinnaanngilluinnarparput

Danskit mittarfiliortiternissami aningaasaleeqataassappata Partii Naleraq sakkortuumik qisuariaateqassalluni siorasaaruteqarpoq

Danmarkip statsministeria Lars Løkke Rasmussen nunatsinnut ataasinngorpat ataatsimiigiassaaq. 

Tassani nunatsinni mittarfiliortiternissami danskit aningaasaleeqataasinnaanerannut tunngasut oqaluuserineqassapput.

Tassa danskit mittarfiliortiternissamut aningaasanik tapersiinissaat oqaluuserineqassaaq. 

Tamannalu Partii Naleqqap naammaginartinngilluinnaraa, partiimi oqaaseqartartup Jens Napaattuup oqaatigaa. 

- Uagut Partii Naleqqaminngaanniit akuerisinnaanngilluinnarparput taama killiffeqartoqarnera.

AAMMA ATUARUK Lars Løkke Nuulialersoq

Mittarfiliornissamut danskit aningaasaliissanersut suli isumaqatigiissutigineqanngilaq. Taamatulli pisoqassappat Partii Naleraq sakkortuumik qisuariassasoq, partiimi oqaaseqartartoq oqarpoq. 

- Tassa Naalakkersuinikkut politikkikkut ersarilluinnartumik inuit maani nunaqartut aallaavigalugit ingerlariaqqinneq salliutipparput. Taamatut aningaasatigut annertutigisumik nunarput innarlersinnaaneranik killeqartumik aaqqiinissaq peqataaffiginianngilluinnaqqissaaripput oqariartuutigereernikuuarput.

AAMMA ATUARUK Danskit mittarfinnut akuliunnerat nunasiaataaneruvoq

Arfininngornermi Naalakkersuisut ataatsimiissimasut, Kim Kielsenip uppernarsarpaa. Ataatsimiinnerli sumut tunnganersoq oqaatigisinnaannginnerarpaa. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat