Lars Løkke Nuulialersoq

Danmarkip statsministeria Lars Løkke Rasmussen, nunatsinnut ataasinngorpat septembarip ulluisa qulinganni tikeraassaaq.
Assi © : Simon Uldum/KNR
Allattoq Mads Lynge
septembarip 07-at 2018 09:18

Kalaallit Nunaanni mittarfiliortiternissami danskit aningaasaleeqataasinnaanerannut tunngasut, inuussutissarsiornikkullu suleqatigiinnerit nukittorsarneqarnissaat, ataatsimeeqatigiinnissami tassani oqaluuserineqassapput.

Naalakkersuisut siulittaasuat Kim Kielsen aamma ministeriuneq Lars Løkke Rasmussen tusagassiortunik Hans Egedep illuani ataasinngorpat nalunaaqutaq 13.45 katersortitsissapput.

Tusagassiortunik katersortitsineq KNR-ikkut toqqaannartumik aallakaatinneqassaaq.