GEUS-imiillu ilisimasat nutaat tunngavigalugit nunatsinni upalungaarsimanermut ataatsimiititaliap innuttaasut Illorsuarnut (assi) Nuugaatsiamullu uteqqinnissaata ulorianarpallaarnerannik naliliinini attatiinnarpaa.Assi: Dorthe Qvist

Karrat Kangerluanni qaqqap sisoornissaa tassaarsuaqarnissaalu suli aarlerinangaatsiartoq

Karrat Kangerluanni qaqqap sisoornissaa tassaarsuaqarnissaatalu aarlerinarnera suli qaffasippoq. Taamaammat Nuugaatsiamut Illorsuarnullu utertoqarnissaa ulorianarpallaartoq, nunatsinni upalungaarsimanermut ataatsimiititaliaq naliliivoq.

Karrat Kangerluanni qaqqap sisuungaatsiaqqinnissaata tassaarsuaqaqqinnissaatalu ilimanassusaa qaffasingaatsiarpoq. Danmarkimi Kalaallit Nunaannilu ujarassiuutut misissuiffiup, GEUS-imik ilisimaneqarnerusup naliliinerani nutaami tamanna allassimavoq.

Tamanna tunngavigalugu Kalaallit Nunaanni upalungaarsimanermut ataatsimiititaliap maannamut inerniliinini attatiinnarpaa. Tassa nunaqarfiit Nuugaatsiaq Illorsuillu sumiiffittut ulorianaateqartutut isigineqaannassapput. Tamanna kangerluit qanittuaniittunut aamma atuuttoq, Naalakkersuisut tusagassiuutinut nalunaarummi paasissutissiipput.

Karrat Kangerluanni 2017-imi juunip ulluisa 17-ianni qaqqap sisoorneratigut Nuugaatsiaq Illorsuillu tassaarsuarmik eqqugaapput. Nuugaatsiami ilaqutariit pingasut angullu utoqqasaanerusoq ajunaarput illullu qassiiusut tassaarsuarneranit imaanut nusunneqarput.

AAMMA ATUARUK Naalakkersuisut: Illorsuarnut Nuugaatsiamullu uternissaq ulorianarpallaarpoq

Illorsuarni Nuugaatsiamilu innuttaasut ajunaarnersuup kingornatigut Uummannami inissaannik taarsiutinik neqeroorfigineqarput, innuttaasulli qassiiusut uternissaminnik kissaateqarput. Naalakkersuisulli taamaaliortoqarnissaa septembarimi innersuussutiginngilaat.

Tassanilu sulliffeqarnermut ilisimatusarnermut avatangiisinullu Naalakkersuisup, Jess Svanep Naalakkersuisut sumiiffinni taakkunani najugaqarsimasut angerlarnissaannik aaqqissuussinissartik pisortaniluunniit sulisunik sulisitsinissartik itigartitsissutigigaat oqaatigaa.

Uteqqittariaqanngitsut

GEUS-imiillu ilisimasat nutaat tunngavigalugit nunatsinni upalungaarsimanermut ataatsimiititaliap innuttaasut uteqqinnissaata ulorianarpallaarnerannik naliliinini attatiinnarpaa.

- Kalaallit Nunaanni Upalungaarsimanermut Ataatsimiititaliaq naliliivoq, innuttaasut tunngavissat pigineqartut tunngavigalugit Nuugaatsiamut aamma Illorsuarnut suli utertariaqanngitsut, aammalu ulorianartorsiorfiusuni taakkua qanitaanniittuni angalaartoqartariaqanngitsoq, Naalakkersuisut tusagassiuutinut nalunaarummi allapput.

AAMMA ATUARUK Qimagussortinneqarsimasut ajunaarnersuaqarnera puigunngilaat

Matumani Karrat Kangerluani qaqugu sumerpiarlu annertuumik sisoortoqaqqissinnaanera eqqoriaruminaatsoq aamma allassimavoq.

- Sumiiffiit annertoorsuarmik ulorianartorsiorfiusut arlaqarmata, siunissami aamma qaqqat annertunerusumik sisooreernerisa kingorna qaqqanik nutaamik sisoortoqarnissaanut annertoorsuarmik ulorianartorsiortoqassasoq naatsorsuutigineqartariaqarpoq, tusagassiuutinut nalunaarummi allassimavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat