Karl-Kristian Kruse: Japanimi nittarsaassineq iluatsilluarpoq

- Nittarsaassinerup ingerlanneqarnera ataatsimut isigissagaanni pitsaalluinnartumik ingerlanneqarpoq, aamma japanimiunik annertuumik soqutigineqarnera malugalugu nuannerpoq, Aalisarnermut naalakkersuisoq taama oqarpoq.

Læs også Fiskevirksomheder plejer forhold i Japan

Nunatsinni aalisakkat pisassarititat ikiliartortillugit, Nunatta pissarititaanik Japanimi nittarsaassinermi aalisakkerivinnik allisaanissaq siunertatut aallaavigineqanngilaq.

Taamaattumik aalisakkat nunanut allanut tunisassiarineqartartut akiisa qaffanneqarnissaat, Polar Seafoodip siulersuisa siulittaasua, Henrik Leth isumaqarpoq.

Tamannalu Karl Kristian Krusip isumaqatigigaa.

- Niuernerup annertusarneqarnissaanut qitiunerpaasoq tassaavoq akit, japanimi annertuumik aalisakkanik pisiortornerup malitsigisaanik akitigut japanimiunut naammaginartumik inissiisoqarsinnaappat, taanna tunisassiornermut annertusaanermik periarfissagissaarpoq

Læs også Grønland satser på større salg i Japan

Karl Kristian Kruse aamma isumaqarpoq, Nunatsinni aalisakkerivissuit Royal Greenlandip Polar Seafoodilu iluminni akit pillugit isumaqatigiinnissaat taakku namminneerlutik isumagiumaaraat.

Taassuma ilanngullugu oqaatigaa, Nunatta pisuussutaanik niuernikkut Japanimi nittarsaasseernermi inerniliussat qanittukkut saqqummersinneqarumaartut.

- Uani nittarsaassinerup Nunatsinni pisuussutitta aalisakkat, puisit amii aammalu kulturikkut assigiinngitsut tappavani saqqummiussuunneqartut aallaavigalugit, kingunerisassaat isumaqarpunga suliassat ataatsimut eqikkarlugit eqqartorneqarnerani inerniliussassat kingusinnerusukkut saqqummiunneqarsinnaassasut.

Aalisarnermut Piniarnermut Nunalerinermullu naalakkersuisoq, Karl Kristian Kruse, taama oqarpoq.