Kangerlussuup tiguneqarnissaa inuussutissarsiortulerisunit taperserneqarpoq

Qeqqata Kommuniata Kangerlussuarmi mittarfik piujuartikkumallugu akisussaaffigilissagaa, Qeqqata Kommuniani borgmesteri Malik Bertheslsenip, Sermitsiami apersorneqarnermini oqarpoq.

Tamannalu kommunemi inuussutissarsiortulerineersut tapersersorpaat. GE Sisimiut, kommunemi inuussutissarsiornikkut siunnersuisut, Arctic Circle Business ataatsimoorlutik siunnersuummut tamakkiisumik tapersersersuillutik oqariartuuteqarput.

AAMMA ATUARUK Qeqqata Kommuniata Kangerlussuaq tigorusuppaa

-Kangerlussuarmi inuussutissarsiornikkut patajaallisaajumalluta taamaaliorusuppugut. Inissisimaffik maanna innuttaasunut toqqissisimananngilaq, aningaasaliisussallu arlallit tunuarsimaarlutik. Neriuppugut Kangerlussuup siunissaa inuussutissarsiornikkut Qeqqata Kommuniata isumannaassagaa, sinniisut inuussutissarsiortulerineersut marluk oqarput.

GE Sisimiut aamma Arctic Circle Business takornariaqarnermut iluaqutaasinnaanerarlugu tunngavilersuipput. Namminersortut aamma arlallit unnuisarfinnut soqutiginnipput.

AAMMA ATUARUK Kim Kielsenip Kangerlussuaq heliportinngortikkusunngikkaa

Ataasinngorpat mittarfissanut inatsisissatut siunnersuut inatsisartuni siullermeerneqassaaq. Siunersuut malillugu mittarfittaat iluatsinnerunissaat anguniarlugit Kangerlussuarmi Narsarsuarmilu mittarfiit heliportiliarineqassapput. Kangerlussuaq nunap iluani mittarfittut atorneqarsinnaanera siunnersuutaavortaaq.

Mittarfiilli marluk siunissaat suli nalunarpoq. Suleqatigiissitaliap, Kommunet marlunneersunit Namminersorlutillu Oqartussaneersunik sinniisoqarlutik ataatsimoorlutik tamanna paasiniassuaat.

AAMMA ATUARUK Kangerlussuaq Narsarsuarlu misissuinermi nutaami qumariartorput