Unnuaanerani politiit nalunaarutaat: Kangerlussuarmi ikuallattoq unnuaq aallarteqqittoq
Kangerlussuarmi pisiniarfeeraq tallimanngornerup ullaavani ikuallattoq kalleriutigineqarpoq.
Qatserisartut innermik qamitsiniaareerlutik ippassaq unnukkut arfineq pingasunut ikuallanneq qamissimagaat, Politiit pigaartuisa pisortaat Poul Kreutzmann
arfininngornermi ullaakkut nalunaarpoq.
Unnuarli marlunut pisiniarfeeraq ikuallaqqilersimasoq kalerrinneqarput.
Ikuallattoq maanna qaminneqareersimalerpoq politiillu ikuallattoqarnerani suna peqqutaanersoq misissorlugu aallartissinnaanngorput.
- Maanna ikuallattoq qamereersimalerpoq, misissuinerli soorunami ingerlaannassaaq, aamma Danmarkimiik ikiuiartortussanik aggertoqarnissaa
pisariaqalersinnaavoq. Poul Kreutzmann taama oqarpoq.
Politiit illu ikuallannikoq ungalulersorsimavaat tamannalu innuttaasut ataqqissagaat inassutigineqarpoq.
