Kalaallit siuartuupput
Pisortat aningaasaliissutaasa 19 procentiat angungajallugu ilinniartitaanermut atorneqartarput. Pisortanilli aningaasaliiffigineqarnerpaasarpoq isumaginninneq aningaasaliissutit 26 procentii tassunga atorneqartarmata, tassalu ilinniartitaaneq aningaasaliiffigineqarnermut tulliulluni.
Tamanna takuneqarsinnaavoq Nunat Avannarliit pillugit 2011-mut kisitsisit ullumikkut saqqummiunneqarmata.
Taamaasilluta Nunat Avannarliit allat arfillit qaangersimavagut pisortat aningaasaliissutaat procentinngorlugit agguataaraanni.
Nunat allat tassaapput Danmark, Savalimmiut, Finland, Island, Norge aamma Sverige.
Finland nunanut tamalaanut sanilliukkaanni siuarsimasunut ilaasaraluartoq tupaallaatiginartumik appasissumik inissisimavoq. Tassani pisortat aningaasaliissutaasa 12 procentiat inorlugu ilinniartitaanermut atorneqartarput - tassalu Nunani Avannarlerni appasinnersaalluni.
Nunani Avannarlerni aningaasaliiffigisassat pingaarnersiornerat assigiissuteqarpoq tassami aningaasat amerliissutit amerlanersaat peqqissaqarfimmut, isumagininnermut ilinniartitaanermullu atorneqartarmata.
