Folketingimut qinersineq 2015 Kalaallit savalimmiormiullu Folketingimi ilaasortanngortussat qinersereernermi suleqatigeeqqittariaqarput
![Randi Vestergaard Evaldsen](/sites/default/files/styles/image_934x467/public/article_images/randi-vestergaard-evaldsen_0.jpg?itok=8ZB1ecDD)
Naalagaaffeqatigiinnermut tunngasut Folketingimi sammineqaraangasa Kalaallit Nunaat Savalimmiullu suleqatigiittassasut Demokratit isumaqarput.
- Pingaaruteqarpoq, Folketingimi takussaanissaq. Naalagaaffeqatigiinnimi nunat pingasuupput, nunallu marluk suliassat suleqatigiissutigiissutigisinnaappatigit, Folketingimi nukittuumik takussaasumillu inissisimassaagut.
Partiip folketingimut qinigassanngortitaa Randi Vestergaard Evaldsen oqarpoq.
2001-imiit 2009-mut Siumut Inuit Ataqatigiillu savalimmiormiup aappaa suleqatigaat, Alatantikup avannaamiuisa suleqatigiiffiannik taasaminni.
Aamma atuaruk Naalagaaffeqatigiit nukittunerusut - kalaallit akuerseqataaffiginngisaat
Taama suleqatigiinnermi nunat taakku marluk namminersulernissaasa aqqutissiuuniissaat siunertarineqarpoq. Kalaallit Nunaat 2009-mi namminersulermat Lars-Emil Johansen suleqatigiinniit tunuarpoq, folketingimullu 2011-mi qinersinerup kingorna suleqatigiiffik atorunnaavilluni.
Taarsiullugu Siumumeersoq Doris Jakobsen danskinut socialdemokratinut ilannguppoq, Johan Lund Olsen SF-inik suleqateqartartoq.
Folketinngimulli Siumut sinnerlugu qineqqusaartup Jems-Erik Kirkegaardip partiit nutaamik Folketingimi suleqatiserai.
Partiinut Nunani atlanatikup avannaaneersunut suleqatiserinnissummik nassiussereerpunga, ullutsinnut naleqqunnerusumik Issittoq suleqatiserinnissutigalugu, taannami ukkatarineqarmat. Kalaallit Nunaanni inuussutissarsiutitigut periarfissat suliffissallu eqqarsaatiginerullugit. Aningaasarsiornerup qaffassaavigineqarnissaa pingaarnerpaasariaqarpoq, Foketingimiikkaanni Inatsisartuniikkaanniluunniit.
Inuit Ataqatigiinniit Johan Lund Olsen nalunaarpoq, nutaamik suleqatigiilernissamut partii ammasoq. Partiilli ukiuni sisamani kingullerni aamma takutissimangaa, kisimiikkaluarluni angusarissaarluartoqarsinnaasoq.
Aamma atuaruk IA-p Atlantikup Avannaani suleqatigiinneq upperaa (2011)
Aamma atuaruk Sooq Danmarkimiippit, tassa apeqqut (2011)
Taama nalunaarneq Demoktatimit Randi Vestergaard Evaldsenimit isornartorsiorneqarpoq, isumaqarami IA ukiuni sisamani kingullerni partiip politikkia eqqarsaaritiginerusimangaa kalaallit soqutigisaat pinnagit:
- Immaqa uppernarsaatissaavoq Kalaallit soqutigisaannik aallussinnginnermut. Pingaaruteqaqaaq mattusseriinnginnissaq.
Savalimmiuneersumik suleqataasimasumik socialdemokratineersumik oqaaseqartitsisinnaasimanngilagut.
Savalimmiunili talerperlerni Sambandspartiimeersup suleqatigiiffimmiissimangitsup maannakkut folketingimiittup Edmund Joensenip nutaamik suleqatigiiffiliortoqarnissaa soqutigivaa, naalagaaffeqatigiinnermik atorunnaarsitsiniarani nukittorsaanissamik siunertaqarpat suleqataarusulluni KNR-imut oqarpoq.