Akeqanngitsumik Danmarkimi akiuussuserneqarnissamut neqeroorut inunnut 5500-nut attuumassuteqartutut nalilerneqarpoq.Assi: Ritzau Scanpix/Mads Claus Rasmussen

Kalaallit savalimmiormiullu Danmarkimi sukkanerusumik akiuussuserneqarsinnaanngortut

Kalaallit savalimmiormiullu Danmarkimi coronavirusimut akiuussuserneqarniarpata qanoq sivisutigisumik Danmarkimiissimaneq apeqqutaajunnaarpoq.

Kalaallit savalimmiormiullu qanoq sivisutigisumik Danmarkimiissimaneq apeqqutaatinnagu coronavirusimut ullumi tallimanngornermiit akiuussuserneqarsinnaanngussapput.

Peqqissutsimut ministereqarfimmiit tusagassiuutinut nalunaaruteqarlutik taama paasissutissiipput.

Kalaallit savalimmiormiullu Danmarkimi aalajangersimasumik najugaqanngitsut sivikinnerpaamik qaammat ataaseq Danmarkimiissimanissaat piumasaqaataagaluarpoq. Qaammat ataaseq sinnerlugu Danmarkimiissimareernermiit kingorna ullut 14-it qaangiukkaangata kapitissinnaasarnikuupput.

AAMMA ATUARUK Múte B. Egede: Vaccinationer muliggør andre løsninger end nedlukning

Coronavirusimulli akeqanngitsumik kapitinnissamut nalunaarutip allanngormat, qanoq sivisutigisumik Danmarkimiissimanermut tunngasoq piumasaqaataajunnaarpoq.

- Taamaalilluni innuttaasut Savalimmiuni Kalaallit Nunaannilu najugallit - qanoq ajornaatsiginersoq apeqqutaatillugu - Danmarkimiinnerup ulluani siullermi akiuussuserneqarsinnaanngussapput, tusagassiuutinut nalunaarummi allaqqavoq.

Danmarkimi akiuussutit amerlassusaat naalagaaffeqatigiit iluanni najugallit tamarmik Danmarkimi akiuussusiinissamut neqerooruteqarnissamut naammattut peqqissutsimut aqutsisoqarfimmit nalilerpaat.

Akeqanngitsumik Danmarkimi akiuussuserneqarnissamut neqeroorut inunnut 5500-nut naatsorsuussaavoq.

Isummersuutit

Nunatsinni coronavirusi pillugu
killiffik

Tunillatseqqasut 126  
Ullumi tunillatsittut 35  
Siullermik kapitissimasut 40.955  
Aappassaa kapitissimasut 35.924  
Tunillanneqarsimasut 504  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Septembarip 21-iat 12:00
 

Coronavirusimik tunillatsinissaq pinaveersaaruk