Kalaallit Nunaat Tivolimi: Pisussat aaqqissuutereertut aaqqissuisullu tupaallatsitsiniartut

- Kaagiliarput qalappoq.  Kisianni tassa pinnersaataat tullinnguuppagut. 

Kalaallit Nunaat Tivolimi aliikkusersuisussat akunniliisartussaat, Carsten Siegstad, KNR-imut oqarpoq.

Kalaallit Nunaat Tivolimimmi taallugu aggustip aallaqqaataasiorneq Københavnip Tivoliani ukioq manna ulluni marlunni, tassa ataasinngorneq juulip 31-aniit marlunngorneq aggustip aallaqqaata ilanngullugu, pisssaaq.  

Ukioq mannali pisussat allaanerulaassapput: 

- Suli misilinnikuunnginnatsigu imannak persuarsiortitsineq imaluunniit nersuineq, taamannak oqarsinnaappat? Tassa ukioq manna Avannaata Qimussersuani ajugaasoq, Milan Mathæussen, qujanartumik aamma Tivolimiittussaavoq. Taanna persuarsiutigalutigu nuannaaqatigisussaavarput, Carsten Siegstad oqarpoq.  

Tassa Milan Mathæussen isiginnaartitsivimmi Plænenimi marlunngornermi nalunaaqutaq 17:30 nersorniarneqassaaq. Aamma Siriusip alapernaarsuisui sammisaqartitsissapput, eqqumiitsuliortut suliaminnik saqqummiissapput, uaajeertoqassaaq Rasmus Klumpilu aliikkersuissalluni. 

- Aamma tassa tupaallatsitsisussaavugut, tassa aggutsip aallaqaataani nalunaaqutaq arfinermut. Aamma taamaaliornikuunngisaannarpugut, annertunerusumik oqaluttuarusunngilanga paasisaaqinaagut, Carsten Siegstad oqarpoq. 

- Kaagiliarput qalareeraluartoq aaqqissuussaq suli suliassarpaalussuaqarmat pinnersaarujuussaagut.

Tarrak, Small Time Giants, Tulleriit, Qarsoq aamma Siissisoq unnukkut appisimaartuusassapput.

Kalaallit Nunaat Tivolimi ukioq manna 46-ssaannik pissaaq. Coronavirusi peqqutaalluni 2020-mi Kalaallit Nunaat Tivolertoqanngilaq, 2021-milu Kalaallit Nunaat Tivolertoqarmat allatulaaq pisoqarpoq, aamma coronavirusi peqqutaalluni.

Ukioq manna pisussat ima aaqqissuunneqarput.