Kalaallit semifinalimi ajorsartut
Amerikap nunavittaani pissartanngorniuunnermi pissartanngorniutivinnissaq nunarsuarmilu assammik arsaannermi 2019-imi pissartanngorniuunnissamut periarfissaqalernissaq, Nuummi Inussivimmi arfininngornermi unamminermi ajugaassutiginiarneqarput.
Nunatta Pan Am-imi unamminerni eqimattami A-mi ajugaasut tassa Argentinameersut unammivaat.
Kalaallit unamminermi aallartilluarlutik 2 – 0-imik siuaraluarput, tamatumali kingorna argentinamiut arsarlualerlutik 5 – 2-mut siarput.
Unamminermi minutsit 18-it ingerlareersut, nunanut allanut unammisartut sungiusaasuat Ingi Olsen timeoutimik piumasaqarpoq – kalaallit tassani 9 – 4-mik kinguarsimapput.
Kingunitsianngua Argentinamiut 11 – 7-imut siuaqqallutik timeoutimik piumasaqarput, kalaallillu katataagaluttuinnalerlutik.
Unamminerit immikkoortuisa aappaat aallartinnerliortoq
Unamminerup immikkoortuata siulliup aallartinnerani amerikap kujataamiut, tassa kalaallit siuaqqaqqaaraluarput, argentinamiulli immikkoortup siulliup naammassinerani 17 – 8-mik siuaqqapput.
Ingi Olsenip sungiusagai unamminermi siuaqqinngitsoorput, unamminerullu immikkoortuata aappaata kalaallinut aallartinnerliornerani Argentinamiut siuaqqanerulerput.
AAMMA ATUARUK Anfører roser målmand og sammenhold
Argentinamiut unamminerup immikkoortuata aappaata qiteqqunnerani 30 – 11-mut siuaqqapput, unamminerullu inernissaa takussutissarsereerlugu.
Taamaalillutik Brasilia Argentinalu Pan Am-imi pissartanngorniutivittussanngorput.
Kalaallit Nunaat Chilelu 3-nngorniuuttussanngorput. Unamminermilu tassani 3-nngorniuunnissaq kisiat pineqassanngilaq. Kalaallimmi chilimiunut ajugaassagunik assammik arsaattartut nunarsuarmi pissartanngorniuunnissaannut, Danmarkimi 2019-imi ingerlanneqartussamut angutissapput.
Unammineq pilersaarutit malillugit sapaatiuppat nalunaaqutaq 13.50 KNR TV-kkut isiginnaarneqarsinnaavoq.
AAMMA ATUARUK Kalaallit Pan Am-imi semifinalernissaq qulakkeeraat