Målinik paarsisoq unammeqataasullu nersualaarai
- Misigisaq tupinnartorujussuuvoq isiginnaartut naanissaata tungaanut ingerlakkamitigut. Eqqaarusuppara aamma Canadamut ippassaq ajugaagatta, arsartut tamaavimmik unamminermi tunniussaqaramik taavalu arsartut tamaavimmik iserlutik, taannartaa assut nuannerpoq, Minik Dahl Høegh oqarpoq, nangillunilu:
AAMMA ATUARUK Kalaallit Pan Am-imi semifinalernissaq qulakkeeraat
- Ataqatigiilluarnera ukiunit allaninngaanniit immikkuullarissorujussuuvoq.
Minik Dahl Høegh oqaluttuarpoq kalaallit unammisartui pissangaleraluarsimasut, qujanartumilli målinik paarsisuat paarsilluarmat, kalaallit 12-nik isertitaqarnerullutik ajugaapput.
AAMMA ATUARUK Canadamut unammilerunik ajugaassangavoq
- Isak Olsen assut målmandiulluarami. Taassuma unamminerup aallartinneranit naanissaata tungaanut ingerlappaatigut taamaasilluni aamma forsvarimi naammassiartornitsinni mattusserujussuarluni. Taava aamma saassussinitsinni ingerlateqqipparput assullu arsarluarluta. Neriuuteqartitsivoq tamaat isigalugu ataqatigiilluarnermik.
Taava kalaallit Argentina arfininngornermi semifinaleqalerpat unammissavaat. Taakkununnga ajugaagunik nunarsuami tamarmi pissartanngorniunnissanut peqataanissartik qulakkiissavaat.
