Kalaallit Nunaat Danmarkimi ukiortaarsiorluni ullumikkut ilassinnippoq
Nytårsreception 070½09 unnukkut mib/hpe
Danmarkimi ukiumoortumik Kalaallit Nunaata ilassinninnera Københavnimi ullumi Illu Atlantikumi Kalaallit Nunaata sinniisoqarfiani pivoq. Erinarsoqatigiit Aavaat erinarsorlutik aliikkusersuipput naalakkersuisullu siulittaasuat Hans Enoksen oqalugiarluni.
Taanna ilaatigut ima oqarpoq.
- Nunatsinni uagut 2008 ilaatigut namminersornermut tunngatillugu eqqaamassavarput.
Kiisalu oqalugiarnermini Kalaallit Nunaata Danmarkillu akornanni ataqatigiinnerit pitsaasut pingaartillugit eqqaavai.
- Oqaatigilara, Danmarkip Kalaallit Nunaatalu ataqatigiinnerat nunarsuarmioqatigiit akornanni aaqqissuussinerusoq immikkuullarissuusoq, taamalu nunarsuarmioqatitsinnut takutissinnaallutigu ataqqeqatigiinneq isumaqatigiissuteqarnikkullu naapeqatigiinniartarneq inuiaat marluusut akornanni aqqutissaasoq, naalakkersuisut siulittaasuat oqalugiarnermini oqarpoq.
Ilassinninnermi danskit nunanut allanut ministeriat Per Stig Møller, danskit naalakkersuisui sinnerlugit oqaaseqarpoq.