Kalaallit inuusuttut atuakkiaat juullimi tunissutigineqarluassasut

- Sørine Steenholdtip atuakkiaa, Zombiet Nunaat eqqarsaatigalugu taanna ukioq manna juullimut tunissutaasinnaasutut nalilerneqarsinnaalluarpoq. Sisimiuni atuagaarniarfimmi, Sisimiut Boghandelimik piginnittoq, Elmar Groth oqarpoq.

Sørine Steenholdtip oqaluttuaaraliaa, 'Zombiet Nunaat' inunuit naallioreeqisut inuunerminni aqqusaagaannut tunngasuuvoq, inuusuttunut allanut oqaluttuaaraliortunutt, soorlu Pivinnguaq Mørchi, taassuma oqaluttuaaraliaanut, 'Arpaatinik Qaqortut'-nut aamma Niviaq Korneliussenip oqaluttuaaraliaanut 'Homo Sapienne'-mut nallersuunneqarluarsinnaalerpoq.

Aamma atuaruk Atuakkat nunatsinneersut Bogforumimi

Taakku oqaluttuaaraliaat Nunatsinni oqaatsinik maanna atugaasunik, pisariaqartinneqaqisunillu pilesitsisut, Sisimiuni atuagaarniarfimmi piginnittoq, Elmar Groth isumaqarpoq.

- Inuusuttut taakku kalaallisut atuakkiorput oqaatsinillu atuinerminni pikkoreqalutik atuartunillu assut atuakkiat atuaruminarluarlutik. Elmar Groth oqarpoq.

Aamma atuaruk Niviaq Korneliussen nersornaaserneqartussatut innersuunneqartunut ilaasoq

Inuusuttullu akiakkiaat kingulliit pisiarineqarluarlutik atuarusunneqaqisut taanna aamma oqarpoq.

- 'Homo Sapienne' kikkunnit tamanit qassinilluunniit ukioqaneq apeqqutaatinnagu atuarneqarpoq. Ilaatigut 90-inik ukioqalersumut taanna aamma tunivara, taassumalu assut nuannaralugu oqarpoq.

Aamma atuaruk Inuusuttut atuakkiortussamaatit nunani avannarlerni isumasioqatigiilersut