Kulturi

Atuakkat nunatsinneersut Bogforumimi

Ullumikkut tallimanngornermit sapaatit-akunnerat ilanngullugu Bogforum Københavnimi ingerlanneqassaaq, Danmarkimilu atuakkanik nuannarisallit atuakkiortunik naapitaqarnissaminnut, apersuinernik tusarnaariarnissaminnut atuakkallu nuannarinerpaasamik atsiortinnissaannut periarfissaqassapput.

Allattoq Inge S. Rasmussen

novembarip 06-at 2015 05:13

Nutserisoq Simon Uldum -

Kalaallit atuakkiaat naqiterisitsisarfiit Milik Publishing aamma Atuagkat aqqutigalugit ukiut siuliinisulli aamma peqataatinneqassapput.

Ualeru, Danmarkimi nalunaaqutaq malillugu, atuakkiortoq Niviaq Korneliussen atuakkiaqqaatiminit naliliisartunit nersualaarneqartumit HOMO Sapiennemit atuffassissaaq.

Hans Jakob Helms tusagassiortumit Martin Breumimit aamma Martin Miehe-Renardimit arfininngorpat oqaloqatigineqassaaq, atuakkiaa De Dødes Fjord Miehe-Renardimit filmiliarineqartussaq sammineqassalluni.

Niviaq Korneliussen sapaatiuppat apersorneqassaaq, aviisimi Politikenimi atuakkiat pillugit aaqqissuisoq Jes Stein Pedersen apersuisuussalluni.

Hans Jakob Helms atuakkiaminit De Dødes Fjordimit ulloq taanna aamma atuffassissaaq.

BogForum 24-ssaannik ingerlanneqassaaq. Atuakkanik saqqummersitsineq Frederiksbergimi Forumimit 2012-imi ingerlanneqartarunnaarpoq ullumikkullu Bella Centerimi ingerlanneqartarluni.

Atuakkat nunatsinneersut Bogforumimi

Aamma atuaruk