Lars Løkke Rasmussen, Kim Kielsen, Kalaallit Airports A/S-imilu siulersuisut siulittaasuat Johannus Egholm Hansen, mittarfissualiortiternissamut isumaqatigiissummut tapiliussaq Statsministerieqarfimmi Christiansborgimi ukioq manna marsip ulluisa arfernanni atsiormassuk. Ritzau Scanpix.

Kalaallit Airportsimi suliniutinut pisortaq tunuarniuteqarpoq

Kalaallit Airportsip Nuummi, Ilulissani Qaqortumilu mittarfissanut suliniutinut pisortani Johannes Ehmann annaavaa. Kalaallit Airportsimi anlægschefi suliniutinut pisortanngussaaq.

Johannes Ehmann, Tysklandimeersoq, Kalaallit Airportsimi suliniutinut pisortatut tunuassaaq, suliniutinullu pisortatut tunuarnera isumaqatigiissuteqarnikkut aalajangerneqarpoq.

Johannes Ehmann, Kalaallit Airports A/S-ip aqutsisoqarfianut qaammatialunnguit matuma siornatigut ilaalerpoq.
Tamanna ukioq manna maajimi pivoq. Johannes Ehmannip Issittumi sanaartornermi misilittagaqarnini tassani nersorneqaatigaa, Ehmannili mittarfissualiorniarnernut pingasunut maanna tassa peqataanavianngilaq.

AAMMA ATUARUK Kalaallit Airports: Qullersaqarfimmiittut amerlineqarput

Tysklandimeersup suliniutinut pisortatut tunuarniuteqarneranut suut pissutaanersut, Kalaallit Airportsip nalunaarutiginngilaa, siulersuisulli siulittaasuata Johannus Egholm Hansenip oqaatigaa Johannes Ehmannnip tunuarniuteqarnera uggoralugu.

Kalaallit Airportsimi anlægschefiusoq Erlingur Leifsson suliniutinut pisortanngorallassaaq.

Johannes Ehmannip tunuarniuteqarnerata maanna mittarfissualiorniarnernut sunniuteqannginnissaa Kalaallit Airportsip ilimagaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat