Politikki

Kalaallit aamma pikkorissartarpat?

Pikkorissariatut kalaallit tikisitallu qanoq agguataarsimappat? Tamanna kisitsisitalerneqassasoq Finn Karlsen Siumumeersoq piumasaqarpoq.
Allattoq Noah Mølgaard
januaarip 17-at 2012 08:17

Namminersorlutik Oqartussat allaffeqarfianni sulisut assigiinngitsunut pikkorissariartarput.

Maanna Finn Karlsenip Siumumeersup soqutigilerpaa pikkorissarniarlutik qinnuteqartunit kalaallit qassiunersut aammalu qinnuteqartut qassit nunatta avataani inunngortuunersut.

Ilanngullugu paaserusuppaa kalaallit sulisut Namminersorlutik Oqartussat allaffeqarfianni sulisuunermi nalaani qaffasinnerusumik atorfinitsinneqartarnersut.

- Nunatta siunissami ilinniarsimassutsikkut imminut pilersorniarnissaq angussaguniuk pinngitsoorneqarsinnaanngilaq Namminersorlutik Oqartussaanerup iluani sulinermi sallerpaajusariaqarneq nunatsinneersunik ilinniarluarsimasunik sulisussaqarniarnikkut aqqutissiuussinermi, Finn Karlsen Naalakkersuisunut paragraf 37 naapertorlugu Naalakkersuisunut apeqquteqarnermini tunngavilersuivoq.

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq