Kalaallit aallarnisaasut Torontomi Indigenous Fashion Weekimut peqataalersut

Indigenous Fashion Weekimi peqataajartortut suliamik Canadamiunut nittarsaannissaannut periarfissinneqassapput. Kisserup Arctic Greenland tusagassiutinut nalunaarummi taama ilaatigut allaaserisaqarpoq.

Liss Stender, Inuk Desigimeersoq, Olga aamma Malik Ljungdahl, Mersortarfik Panigiinneersut aamma Elisa Motzfeldt, Sava Designimeersoq, Kalaallit Nunaannit peqataajortunut ilaapput.

Nunatsinnit peqataasut kusanartuliatik Amerika Avannarlermi pisiniartartunut nittarsaakkiartussavaat, suliat nunatta kulturianut tunnganerusut nittarsaakkiartorneqassallutik.

Indigenous Fashion Week, Canadami illoqarfissuarmi maajip ulluisa 31-annit juunip ulluisa pingajuata tungaanut pisussatut pilersaarutigineqarpoq.

Atisanik ilusilersuinermi nutaaliat, kusanartuliat atisallu nunat inoqqaavineersut, Indigenous Fashion Week Torontomi immikkut sammineqassapput.