Birna-sagen Kalaaleq toqutsisimasutut hashimillu eqqusseriarsimasutut pasineqarpoq
Kalaaleq arnamik 20-nik ukiulimmik Islandimiumik Birna Brjánsdottirimik toqutsisimasutut pasineqartoq pisortatigoortumik maanna unnerluutigineqarpoq, allagarmi unnerluussut politiit unnerluussisussaatitaasuannit maanna tunniunneqarpoq.
Islandimi tusagassiorfiit ilaat Iceland Monitor ullumi taama allaaserisaqarpoq.
AAMMA ATUARUK Nunanut allanut ministereqarfiup isornartorsiorneqarnini ilumuunnginneraraa
Allakkap unnerluussutip takutippaa angut kalaaleq toqutsisimasutut, ikiaroornartumillu hashimik 23 kiilumik Kalaallit Nunaannut eqqusseriarsimasutut pasineqartoq. Hashi pineqartoq kilisaammi Polar Nanumi inigisamini politiinit tigusarineqarnissami tungaanut toqqorsimavai.
Angutip hashimik eqqusseriarsimanini nassuerutigaa, toqutsisimasutulli pinngitsuunerarluni.
Birna Brjánsdottirip angajoqqaavisa Islandimiut koruuniinik 10,5 millionit koruuninik taarsiivigineqarnissaat aamma piumasarineqartoq, allakkami unnerluussummi atuarneqarsinnaavoq, tassa 655.000 koruunit missaat.
AAMMA ATUARUK Angut kalaaleq Birnamut toqutsisutut unnerluutigineqartoq
Birna ukioq manna januaarimi periarfeerunneqarmalli angut kalaaleq parnaarussaaqqasimavoq, toqutsisimasutummi pasisaalluni taamanikkut tigusarineqarami.
Birna Brjánsdottir Reykjavikip kujatinnguani sissami toqungasoq januaarip ulluisa 22-anni nassaarineqarpoq, periarfeerunneqarnermi kingorna sapaatip-akunnera ataaseq qaangiummat nassaarineqarluni.
AAMMA ATUARUK Birnap toqutaanerata paasiniaaffigineqarnera naammassigaat
AAMMA ATUARUK Birnamut tunngatillugu pasisaq pingitsuutinneqartoq