Kalaaleq 14-inik ukiulik nassaarineqartoq
Allaaserisaq juunip ulluisa aqqaneq-aappaanni nutarterneqarpoq, niviarsiaraq ajunngitsoq nassaarineqarnera paasissutissiissutigineqarmat
Midt- og Vestsjællandip politiivisa niviarsiaraq Daisy Laura ujaararalugu inoqatinut attaveqaatikkut X-ikkut nalunaarutigaat.
Midt- og Vestsjællands Politiit niviarsiaraq kalaaleq ujaarineqartoq X-ikkut ataasinngormat allaaseraat. Politiilli maanna nalunaarutigisinnaanngorpaat niviarsiaraq ajunngitsoq nassaarineqartoq. Svebølle Stationimi ataasinngornermi unnukkut nassaarineqartoq nalunaarutigineqarpoq.
Niviarsiaqqap Svebølle Stationip ungasinngisaani Svinninge Stationimi angut inuusuttoq ataasinngormat naapikkaa kingullermik takuneqarpoq. Ujaarineqartup oqarasuaatini angallattagaq qamissimavaa, niviarsiararlu ajunnginnersoq politiit qulakkeerusullugu ujaasineq aallartippaat.
Innuttaasut amerlasuut ujaasinermut atatillugu inoqatinut attaveqartarfikkut X-ikkut saaffiginnissuteqarnerat politiit qujassutigaat.
