Trump tusarniaanernut peqataajumanngitsoq
USA-p præsidentiata Donald Trumpip, naalakkersuinermut akisussaasumut eqqartuussivimmut sassartinneqarsinnaanut Repræsentanternes Husimi tusarniaanermut pingasunngorpat peqataajumanngilaq.
Inatsisinut ataatsimiititaliap Trump Det Hvide Husimilu inatsisilerituui tusarniaanissamut sapaatip-akunnerata siuliani aggersaraluarpaa.
AAMMA ATUARUK Trumpip Ukrainep præsidentianik oqaloqateqarsimaneranut tunngatillugu nunarput akuliunneqartoq
Tamanut ammasumik tusarniaasoqaleruttorpoq, tusarniaanermullu atatillugu killisiuisoqarnissaanut aggersarneqaraluarlutik.
Tusarniaanerilli naapertuilluanngitsumik ingerlanneqartut Donald Trump isumaqarpoq.
Præsidentip illorsua Det Hvide Hus, Repræsentanternes Husimi Inatsisinut ataatsimiititaliaata siulittaasuanut Jerrold Nadlerimut taama nalunaaruteqarpoq:
- Præsidenti aalajangertariaqarpoq: Tusarniaanermut peqataalluni saqqummiunniakkanilu tassani saqqummiullugit, tusarniaanerilluunniit isornartorsiuinnarnagit, Jerrold Nadler oqarpoq.
AAMMA ATUARUK Whistlebloweri: Præsident Trumpip pissaanini atornerluppaa
USA-p præsidentimut tullersortigisimasaata Joe Bidenip misisssorneqarnissaa Trumpip Ukrainep præsidentianik oqaloqateqarnermini sukataarutigisimagaa, paasissutissanik isertortunik siammarterisup, whistleblowerip, præsidentip illorsuata Det Hvide Husimeersup, oqaatigaa.
Pasilliutit tamakku Trumpip ilumuunnginnerarpai, politikkikkullu malersuiniarnertut taallugit.
/ritzau/Reuters
