Partiit sisamat naalakkersuisoqatigiinniitikkusukkai
Naalakkersuisoqatigiinngorsinnaasut taava Inatsisartuni katillugit 19-inik ilaasortaatitaqalersinnaassapput. Kingullermik naalakkersuisoqatigiinnit pingasunik taakku amerlanerupput, naalakkersuisoqatigiissimasummi Inatsisartuni amerlanerussuteqaqqalaarlutik katillutik 16-inik ilaasortaatitaqarput.
Partiit sisamat taakku naalakkersuisoqatigiiliornissamut isumaqatigiissummik suli atsioqatigiissuteqanngillat, naalakkersuisoqatigiiliornissarli sukataarutigineqartoq nalunaarutigineqarpoq:
- Politikkikkut isumaqatigiissummik allaleruttorpugut, isumaqatigiissutigisinnaasassatsinnik allalluta, Mikael Petersen oqarpoq.
AAMMA ATUARUK Isumaqatiginninniarnerit partiit allaffiini pisarput, qaqqamiunngitsoq Ilulissaniunngitsorlu
Sunarpiaq isumaqatigiinniutigineqarnersoq, taassuma oqaatigiumanngilaa. Naalakkersuisoqatigiiliorniarluni isumaqatiginninniarnerit maannamut uluni 18-ini ingerlareerput.
Inatsisartut ukiaanerani ataatsimiinnissaasa sapaatip-akunnerata tulliani pingasunngorpamut kinguartinneqarnissaa, Kim Kielsenip, Inatsisartut siulittaasoqarfianut ippassaq sisamanngornermi qinnuteqaatigaa. Inatsisartut ullumi tallimanngornermi ataatsimiilertussaagaluarput.
- Periarfissat assigiinngitsut qulaajarpagut. Pissutsillu assigiinngitsut eqqissilluta ujartuiffigivavut, partiit tunuiliaqutaasa kissaatigisaat misissuiffigalutigit, Kim Kielsen, isumaqatiginninniarnerit pillugit oqarpoq.
AAMMA ATUARUK Inatsisartut ukiaanerani ataatsimiinnissaat kinguartinneqartoq
AAMMA ATUARUK Ajornartorsiutitta Kielsen Demokraatillu utaqqisinnaanngilaat
