Inatsisartut ukiaanerani ataatsimiinnissaat kinguartinneqartoq

Inatsisartut ukiaanerani ataatsimiinnissaat oktobarip ulluisa pingajuannut kinguartinneqarpoq, Mimi Karlsen taama ilisimatitsivoq. Inatsisartut ukiaanerani ataatsimiinnerat aqagu tallimanngornermi aallartittussaagaluarpoq.

Naalakkersuisooqatigiinnit peqataajunnaartoqarneratigut politikkikkut uivertoqarnera pigaluttuinnarpoq. Inatsisartut ukiaanerani ataatsimiinnerat taamatut inissisimasoqarnera pissutigalugu kinguartinneqartoq, Inatsisartut siulittaasoqarfianeersoq Mimi Karlsen (IA) KNR-imut taama ilisimatitsivoq.

Naalakkersuisut siulittaasuata Kim Kielsenip inassuteqaateqarneratigut kinguartitsisoqarpoq.

2018-imi ukiaanerani ataatsimiinnissamut pilersaarutit Inatsisartut siulittaasoqarfiata kingusinnerusukkut eqqartussavaat.

Inatsisartunut ilaasortat qinersinerup kingorna maannamut ulluni marluinnarni immikkut ittumik ataatsimiipput. Upernaakkummi ataatsimiinnissaat qinersisoqarnera pissutigalugu taamaatiinnarneqarpoq, Inatsisartullu qinersisoqareermat sivikitsuinnarmik ataatsimiipput.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat