Inuk ataaseq Nunavummi nannumit saassunneqarluni ajunaarpoq
Nunavummi nunaqarfiup Naajaat eqqaanni inuk ataaseq nannumit saassunneqarnermi toqutaavoq, allallu marluk aqqunartiterlutik. Canadami atorfilittat Nunatsiaq Newsimut taama ilisimatitsipput.
Allattoq Anton Gundersen Lihn, Mads Lynge
aggustip 28-at 2018 17:01
Nunavummi avatangiisinut naalakkersuisoqarfiup pisoq misissuiffigileruttoraaa, Nunatsiaq Newsimi aamma aallaaserineqarpoq.
Nunavummi qaammatit marluk kingulliit ingerlaneranni nannup saassussineranit ajunaartoqarpoq.
Ataataq 31-nik ukiulik Nunavummi illoqarfimmit Arviamit 10 kilometerisut ungasitsigisumi qeqertami Kivallermi, Sentry Islandimi nannumit juulip aallartilaarnerani saassunneqarmat toquvoq.
AAMMA ATUARUK Ataataq nannumit saassunneqarluni toqusoq
Angut taanna meeqqani ilagalugit, mannissartillutik nannumit saassunneqarpoq. Angutip meeqqani annaanniarlugit nannup saavanut pisimavoq, taamaalineranilu saassuneqarluni.
Angut taanna sakkulisarsimanngilaq, ikiligaanngatsiarsimaninilu pissutigalugu kingorna toqusimalluni.
