Tamanna pissutaalluni nunap immikkoortuini arlalinni sukannersumik naalakkersuisoqarnissaa maanna suaarutigineqalerpoq, pingaartumik Kansasimi, Nebraskami, Texasimi Oklahomamilu sukannersumik aqutsisoqarnissaa naalakkiutigineqarniarluni.
Inuit 13-it aqqunartitersimapput, innuttaasullu alaatsinaalluinnarnissaat guvernørit kaammattuutigaat.
Oklahomami illoqarfiit ilaanni Tuttle-imi uumasuutit allamiorpasissut qimaasimapput aqqusinernilu tamani tamaani takussaallutik. Uumasuutit kaassaartoqareernerata kingorna qimaasimasut, uumasuusivissuup Tiger Safarip piginnittuata uppernarsarpaa.
Tiigerit Tiger Safarimit pigineqarmata Tuttle-imi innuttaasut mianersoqquneqarput, naallu uumasut uumasuusivissuarmut utertinneqareeraluartut Tuttle-imi innuttaasut angerlarsimaannarallarnissaat politiinit aamma kaammattuutigineqarpoq.
Inuit 9 millionit missaat kaassaarfiusuni najugaqartut, tv-qarfissuup NBC Newsip nalunaarutigaa.
Oklahomami mittarfiit ilaat matuneqarallarsimavoq, innaallagiaaruttoortoqarlunilu, illullu aseruatitersimallutik.
