Nunanit allanit

Jyllandip avannaani qipoqqamik 7 meterinik takissusilimmik pisaqartoqartoq

Skagenimi aalisartoq bundgarnemini immikkut illuinnartumik ataasinngornermi pisaqarpoq.
Qipoqqat syv meterit missaannik takussusillik bundgarninut napitissimavoq. Assi © : Presse-Fotos.dk/Ritzau Scanpix
Allattoq Ritzau
oktobarip 07-at 2019 14:44
Nutserisoq Jaaku Lyberth

Qipoqqaq syv meterit missaannik takussusilik bundgarninut napitissimavoq.

TV-qarfik TV2 Nord taama allaaserisaqarpoq.

- Oqimaapoq, qassutinit peersinnaannginnatsigu aqqartartunit ikiortissarsiortariaaqarsimavugut, aalisartoq, Troels Tvilling TV-qarfimmut TV2 Nordimut oqarpoq.

Aqqartartut Hirthalsimi Nordsø Oceanarietsimeersut aalisartoq ikiorpaat, bundgarnii qipoqqarmik pisaqarsimasut kalillugit Skagenimi umiatsiaaqqanut talittarfimmukaallugit.

- Qipooqqaavoq danskit imartaani qaqutigorujussuaq naammattoorneqartartoq, Lasse Rosendahl Oceanarietsimeersoq TV2 Nordimut oqarpoq.

Lasse Rosendahl oqarnera naapertorlugu Danmarkip imartaani qipoqqarmik kingullermik 1905-imi takusoqarpoq.

Qipoqqat suneqassanersoq uumassusilerisut oqartussaasullu assigiinngitsut paasiniassavaat.

Qipoqqaq taanna arnaviaavoq mikisoq, qipoqqat piaqqiaaqqammersut fem seks meterisut takissuseqartarput.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk