Juulli sioqqullugu aningaasarsisoqassaaq

Isumaqatigiissitsiniarnikkullu suliaq, SIK-mit aallartinneqartoq, taamaatiinnarneqartoq.

Decemberimili akissarsiat juulli sioqqullugu kingullerpaamik tunniunneqassapput. Decembarimi akissarsiat siunissami decembarip naanerani tunniunneqartalissasut illuatungeriit, Naalakkersuisut iliuuseqarnera pisuulluni, isumaqatigiissutigaat.

Aningaasaqarnermut Naalakkersuisoq, Maliina Abelsen ima oqarpoq:

- Isumaqatigiissut siunissami akissarsiat nalinginnaasumik tunniunneqartalernissaannik angusaqarfiusoq anguneqarmat Naalakkersuisut naammagisimaarpaat. Namminersorlutik Oqartussat suliap juullertinnagu naammassineqarnissaa misilissimavaat, tamannali pisinnaanngimmat isumaqatigiissuteqarnissaq anguniarsimavarput. Suliap isumaqatigiissitsiniarneq aqqutigalugu sivisuumik suliarineqarnissaa Naalakkersuisut kissaatigisimanngilaat, tamanna peqataasunut aningaasartuutitigut artukkiissammat.