Nunatsinneersunik allaaserisat Cavlingprisenimut innersuunneqartut

Nunatsinneersunik allaaserisat Politikenimi tusagassiortup Danmarkimi tusagassiortunut nersorinninniutit ataqqinarnersaannut, Cavlingprisenimut, innersuunnneqarneranik malitseqarpoq.

Allattoq Jens Thorin

januaarip 04-at 2016 08:42

Sisimiut eqqaanni erlinnartussarsiornermik aasaq manna aggustimi allaaserisamini tusagassiortup, Mikkel Vuorelap, karsinik marlunik assaassanik ujarlernini oqaluttuaraa. Unnia karsit taakkua allagaatinik Danmarkip naalagaaffiata toqqqavianut tunngasunik imaqartut.

Allagaatit, Nunatsinnut 1952-imi toqqorneqarsimaneragaasut iluaqutigalugit, qaartartorsuit atomitortut atorlugit sorsunnersuaqaraluarpat, annattuujumaaartut Danmarkimi inuiaqatigiit ineriartorteqqikkumaarmatigit. Illernartuutaasimaneragaasut toqqortat allaaserisanik pissanganartuni arlalinni allaaserineqarput.

Aamma atuaruk Sisimiuni erlinnartuutinik maanna ujaasisoqaleruttorpoq

Tassalu Mikkel Vuorela Nunatsinni erlinnartussarsiornermik qiimaasumik, pinnguarpalaartumik assissaqanngitsumillu allariaaseqarluni tusagassiortutut allaaaserisai pillugit Cavlingprisenimut innersuunneqarpoq.

Taanna allat sisamat ilagalugit tusagassiortunut nersorinnissummut ataqqissaasumut innersuuneqarpoq.

Aamma DR-TV-mi tusagassiortoq Puk Damsgård "Kangiani Qiterlermi akersuufiusuni tusagassiortarnermini ilisimmasaqassutsini, qunusuissutsi tusagassiortarnerminilu inuppalaassutsi pillugu" innersuunneqartoq Nersorinninniummik suliaqartartut allapput.

Nersorinninniarneq Københavnimi januaarip arfineq pingajuani pissaaq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.