Justus Hansen: Misissuineq unitsinniarli

Ataatsimiititaliami ilaasortaaqatai IA-meersoq Siumumeersorlu neriuuteqarnerupput.

- Illarnaannarporluunniit. Sooq siunertaqanngitsumut aningaasartussaagut, allanut taama akissaaleqitigaluta, Justus Hansen oqarpoq. CIA pillugu DIIS-ip misissuinissaa pillugu Justus Hansenip isumaa taama erseritsigaaq.

DIIS-ip misissuinissaa itisiliiffiugunanngitsoq tusareerlugu isummaminik suli aalajangiussineroqqiinnarpoq:

- Uanga nammineq isumaqarpunga, misissuineq unitsittariaqaripput, takusinnaanngilarami, suna siunertaralugu misissuineq ingerlatiinnassagipput, Justus Hansen oqarpoq.

IA-meersorliisumalluarneruvoq. Nunat Allanut Sillimaniarnermullu Ataatsimiititaliap siulittaasuata tulliata, Juliane Henningsenip DIIS-ip akissutaa nikalluallaatiginngilaa oqarlunilu:

- Aallaqqaammulli una misissuinissaq saqqummiunneqarmat, oqartoqarpoq iluaqutaanavianngitsoq. Kisianni uagut ima oqarpugut; takoqqaalaariatsingu misissuineq qanoq inerneqassanersoq. Maannakkut oqarsinnaanngilagut ajunngitsumik ajortumilluunniit inerneqassanersoq, Juliane Henningsen oqarpoq.

DIIS eqqissilluni sulisariaqartoq, aamma illuatugiliuttut isumaqarput. Misissuititsinerli nutaanik paasisaqarfiunngippat, nutaamik misissuisoqarnissaanik Nunarput piumasaqartariqartoq, Nunat Allanut Sillimaniarnermullu Ataatsimiititaliami ilaasortaaq, Siumup siulittaasua Aleqa Hammond, oqarpoq:

- Isumaqarpunga naalakkersuisooqatigiit Danmarkimilu naalakkersuisooqatigiit naaperiuteqarnerat takoqqaarneqartariaqartoq aamma uppernarsarneqaqqaassaaq DIIS qanoq oqaaseqassanersoq. Isumaqarama pisariaqartunik inaarutaasunik oqaaseqarsinnaasut. Taamatut oqaloqatigiinneq nukittorsarnerusariaqarpoq, nunatta aalajangiusimallugu sumulluunniit attaveqanngitsumut misissuisoqassasoq, Aleqa Hammond oqarpoq.

Justus Hansenip oqarnera malillugu DIIS-ip Danmarkimi nunanut allanut tunngasunut ministerimut akissutaa Inatsisartut Nunat Allanut Sillimaniarnermullu Ataatsimiititaliaata tulliani ataatsimiinnissaani oqaluuserineqassaaq.

DIIS-ip misissuinini aappaagu majip aallaqqaataani naammassereersimassuaa.