Qasilitsunik seqqartaatit isornartorsiorneqarnerat inatsisinik atortsitsinermut ministerip isumaqatiginngilaa
Nunatta inuit pisinnaatitaaffiinut siunnersuisoqatigiivi qasilitsunik seqqartaatinik eqqornaveeqqutinillu atuinermut akerliusut nakuuserneq pillugu inatsisip nutaap tusarniaassutigineqarnerani akissummi ersereersoq ministeri taama oqarpoq.
Seqqartaat Nunatsinni isertitsivinni sakkussatut atussallugu sakkortuallaartoq siunnersuisoqatigiit isumaqarput.
AAMMA ATUARUK Qasilitsunik seqqartaatinik atuisoqalernissaa isornartorsiorneqartoq
Eqqornaveeqqutinillu atuisinnaalersitserusunneq aamma isornartorsiorneqarpoq. Ilungersunartumik pisoqarpat eqqornaveeqqutit ajorseriartitsiinnarsinnaasut siunnersuisoqatigiit isumaqarput.
AAMMA ATUARUK Qasilitsunik seqqartaatinik atuisalernissap isorineqarneranut akissuteqartoq
Tamannali inatsisinik atortitsinermut ministerip isumaqatiginngilaa.
Paarnaarussat qasilitsumik seqqartartereernermik kingorna sulisut piumasarisaannut malinnilertitsigauttartut, danskit paarnaarussiviini misilittakkanit takutinneqartoq, Søren Pape Poulsen Folketingip Kalaallit Nunaannut ataatsimiititaliaanut allappoq.
Sakkortuumillu pisoqartillugu eqqornaveeqqutit paarnaarussanut eqqissisitsisartut, ministeri aamma allappoq.
Inatsit qasilitsunik seqqartaatinut eqqornaveeqqutinullu ilaatigut tunngasoq Folketingimi ukiortaareerpat sammineqassaaq.